రామ్‌కు చాలా కాలం తర్వాత ఒక మంచి సక్సెస్‌ దక్కింది. మొదటి వారం రోజుల్లో 60 కోట్లకు పైగా గ్రాస్‌ వసూళ్లను దక్కించుకుని పూరి మార్క్‌ మాస్ ఎంటర్‌టైనర్‌గా ‘ఇస్మార్ట్‌ శంకర్’ చిత్రం నిలిచింది. అద్బుతమైన కలెక్షన్స్‌తో దూసుకు పోతున్న ఈ చిత్రంకు సక్సెస్‌ వేడుకలు జోరుగా సాగుతునన్నాయి. ఆమద్య రామ్‌ గోపాల్‌ వర్మ తెగ హడావుడి చేసిన పార్టీలో రామ్‌ కనిపించలేదు, ఆ తర్వాత పూరి మీడియా ముందుకు వచ్చాడు కాని రామ్‌ కనిపించలేదు.
నేడు ఇస్మార్ట్‌ శంకర్ సక్సెస్‌ వేడుక నిర్వహించారు. ఈ వేడుకలో ఇద్దరు హీరోయిన్స్‌తో పాటు దర్శకుడు పూరి నిర్మాత ఛార్మి ఇంకా ఇతర చిత్ర యూనిట్‌ సభ్యులు హాజరు అయ్యారు. కాని రామ్‌ మాత్రం ఎక్కడ కనిపించలేదు. రామ్‌ లేకపోవడంతో పలు అనుమానాలు వ్యక్తం అవుతున్నాయి. రామ్‌ ఎందుకు ఈ సక్సెస్‌ వేడుకల్లో పాల్గొనడం లేదు అంటూ టాక్‌ వినిపిస్తుంది. సినిమా విడుదల ముందు వరకు ప్రమోషన్‌ కార్యక్రమాల్లో బిజీగా పాల్గొన్నాడు. కాని ఇప్పుడు మాత్రం బొత్తిగా నల్లపూస అయ్యాడు. మరి కారణం ఏంటో ఆయనే తెలియజేయాలి.
