రాజమౌళి దర్శకత్వంలో భారీ బడ్జెట్‌తో తెరకెక్కుతున్న చిత్రం ‘ఆర్‌ఆర్‌ఆర్‌’. ఈ చిత్రం షూటింగ్‌ కాస్త అటు ఇటుగా జరుగుతుంది. రాజమౌళి దర్శకత్వంలో సినిమా అంటే చాలా పకడ్బందీగా ప్లాన్‌ చేసుకుంటూ ఉంటాడు. ఒకసారి స్క్రిప్ట్‌ ఓకే అయితే మొత్తం సాఫీగా సాగిపోవాల్సిందే. కాని ఈ చిత్రం విషయంలో మాత్రం అలా జరగడం లేదు. ఏది అనుకున్నట్లుగా జరగడం లేదు. ప్రీ ప్రొడక్షన్‌ వర్క్‌ అంతా డిస్ట్రబ్‌ అవుతూనే ఉంది. ముందుగా అనుకున్న ప్రకారం డిసెంబర్‌లో సినిమా పూర్తి అవ్వాల్సి ఉంది. కాని ఇప్పటి వరకు 20 శాతం షూటింగ్‌ కూడా జరగలేదు.
తాజాగా ఈ చిత్రం కొత్త షెడ్యూల్‌ను పుణేలో అనుకున్నారు. కాని అక్కడ చిత్రీకరణకు వాతావరణం అనుకూలించడం లేదు. దాంతో చిత్రీకరణను తమిళనాడుకు మార్చినట్లుగా తెలుస్తోంది. తమిళనాడులోని కొన్ని ప్రాంతాలను ఎంపిక చేసి చిన్న చిన్న మార్పులతో షూటింగ్‌ చేసేందుకు జక్కన్న సిద్దం అయ్యాడు. పుణేలో ఇద్దరు హీరోలు మరియు హీరోయిన్స్‌పై చిత్రీకరణ జరుపాల్సి ఉంది. అదే ఇప్పుడు తమిళనాడులో చేయనున్నాడు. దాదాపు 30 రోజుల పాటు ఈ షెడ్యూల్‌ ఉంటుంది.
