తెలుగులో సవ్యసాచి, మిస్టర్‌ మజ్ను చిత్రాల్లో నటించిన నిధి అగర్వాల్‌కు పెద్దగా గుర్తింపు రాలేదు. ఆ రెండు సినిమాలు కూడా సో సోగానే ఆమెకు గుర్తింపును తెచ్చి పెట్టడం జరిగింది. ఆ సినిమాల తర్వాత ఈమెకు ఇస్మార్ట్‌ శంకర్ చిత్రంలో నటించే అవకాశం వచ్చింది. అది నిధి అగర్వాల్‌ కెరీర్‌కు పెద్దగా ఉపయోగపడకపోవచ్చు అంటూ అంతా అనుకున్నారు. అయితే ఇస్మార్ట్‌ శంకర్ చిత్రం సక్సెస్‌ అవ్వడంతో నిధి అగర్వాల్‌కు మంచి ఆఫర్లు వస్తున్నాయి.
ఇప్పటికే ఈ అమ్మడికి ఒక స్టార్‌ హీరో నుండి పిలుపు వచ్చినట్లుగా తెలుస్తోంది. స్క్రీన్‌ టెస్టు చేస్తున్నారు. ఓకే అయితే బంపర్‌ ఆఫర్‌ ఈ అమ్మడి ఖాతాలో పడటం ఖాయం. త్వరలోనే నిధి అగర్వాల్‌ కొత్త సినిమాకు ఓకే చెప్పబోతుంది. బాలీవుడ్‌లో కూడా నటించి నిరాశ పడ్డ నిధి అగర్వాల్‌కు ఇస్మార్ట్‌ శంకర్‌తో టైం కలిసి వస్తుంది. తప్పకుండా ముందు ముందు నిధి అగర్వాల్‌ టాలీవుడ్‌లో పెద్ద హీరోలతో చేసే అవకాశం ఉందని సినీ వర్గాల వారు అంటున్నారు.
