కన్నడంలో తెరకెక్కిన ‘కేజీఎఫ్‌’ చిత్రం ఎంతటి సంచలన విజయాన్ని సొంతం చేసుకుందో ప్రత్యేకంగా చెప్పనక్కర్లేదు. కన్నడ బాహుబలి అంటూ కేజీఎఫ్‌ కు పేరు దక్కింది. కన్నడ సినీ చరిత్రలో ఎప్పుడు కూడా లేని వసూళ్లు ఈ చిత్రం రాబట్టింది. సౌత్‌లో కూడా పూర్తిగా తెలియని కన్నడ సినిమా గురించి ఏకంగా బాలీవుడ్‌ వరకు తీసుకు వెళ్లడంలో కేజీఎఫ్‌ సూపర్‌ హిట్‌ అయ్యింది. ఈ చిత్రంతో యష్‌ ఓవర్‌ నైట్‌ ఇండియన్‌ స్టార్‌ అయ్యాడు. ప్రశాంత్‌ నిల్‌ దర్శకత్వంలో రూపొందిన కేజీఎఫ్‌ కు ప్రస్తుతం రెండవ పార్ట్‌ తెరకెక్కుతుంది.
‘కేజీఎఫ్‌ ఛాప్టర్‌ 2’ అంటూ సీక్వెల్‌ను తెరకెక్కిస్తున్నారు. రెండు నెలల క్రితమే ఈ చిత్రం షూటింగ్‌ ప్రారంభం అయ్యింది. వచ్చే ఏడాది సినిమా వస్తుందని, ఇప్పుడు దాని గురించి ఎవరు ఆలోచించడం లేదు. ఇలాంటి సమయంలో కేజీఎఫ్‌ 2 నుండి ఒక బిగ్‌ న్యూస్‌ రాబోతుంది అంటూ చిత్ర యూనిట్‌ సభ్యులు అధికారికంగా ప్రకటించారు. రేపు అంటే జులై 26వ తారీకు ఉదయం 11 గంటలకు ఆ న్యూస్‌ ఏంటో తెలియబోతుంది. కేజీఎఫ్‌ 2 షూటింగ్‌ ప్రారంభం అయినప్పటి నుండి మరే అప్‌డేట్‌ లేదు. ఇప్పుడు ఆ అప్‌డేట్‌ రాబోతుంది. ఆ బిగ్‌ న్యూస్‌ ఏమై ఉంటుందా అంటూ సౌత్‌ ఆడియన్స్‌ మొత్తం ఎంతో ఆసక్తిగా ఎదురు చూస్తున్నారు.
