నాగార్జున నటించిన ‘మన్మధుడు 2’ చిత్రం ఆగస్టు 9న ప్రేక్షకుల ముందుకు రాబోతుంది. ఈమద్య కాలంలో నాగార్జున నటించిన సినిమాలపై జనాలకు పెద్దగా ఆసక్తి ఉండటం లేదు. కాని ఈ చిత్రం విషయంలో మాత్రం సీన్‌ రివర్స్‌గా ఉంది. మన్మధుడు 2 చిత్రం పై అంచనాలు భారీగా ఉన్నాయి. అందుకే ఈ చిత్రం ఏకంగా 60 కోట్ల బిజినెస్‌ వరకు చేసినట్లుగా తెలుస్తోంది. ఎప్పుడెప్పుడు వస్తుందా అంటూ ఎదురు చూసిన మన్మధుడు 2 ట్రైలర్‌ వచ్చేసింది.
ముందు నుండి చెబుతున్నట్లుగానే సినిమా చాలా ఎంటర్‌టైన్‌మెంట్‌తో ఉండబోతుందని ట్రైలర్‌ చూస్తుంటే అనిపిస్తుంది. ఇక ఈ చిత్రంలో నాగార్జున ముద్దుగుమ్మలతో పెట్టిన ముద్దులు సినిమాకు హైలైట్‌గా నిలబోతున్నాయి. ఆరు పదుల వయసులో, ఇద్దరు కొడుకులు హీరోలుగా ఉన్న ఈ వయసులో నాగార్జున లిప్‌లాక్‌ సీన్స్‌ చేయడం హైలైట్‌గా అవ్వబోతుంది. నాగార్జున ఈ చిత్రంతో మళ్లీ మునుపటి ఫామ్‌లోకి రావడం ఖాయం. రకుల్‌ ప్రీత్‌ సింగ్‌తో పాటు చిత్రంలో కనిపిస్తున్న ప్రతి ఒక్కరు కూడా చాలా ఎనర్జిటిక్‌గా నటించినట్లుగా ట్రైలర్‌ను చూస్తే అనిపిస్తుంది. తప్పకుండా ఈ చిత్రం ఫ్యామిలీ ఆడియన్స్‌కు కనెక్ట్‌ అయ్యేలా ఉందనిపిస్తుంది.
