సూపర్ స్టార్ మహేష్ బాబు 26వ చిత్రం ‘సరిలేరు నీకెవ్వరు’లో ఓ కీలక పాత్ర కోసం సీనియర్ నటుడు జగపతిబాబుని తీసుకొన్నారు. ఐతే, ఆయన సినిమా నుంచి సడెన్ గా తప్పుకోవడం చర్చనీయాంశం అయింది. జగపతికి కథ నచ్చలేదని, దర్శకుడు తీరు నచ్చక తప్పుకొన్నారని.. ఇలా రకరకాల ప్రచారం జరిగింది. తాజాగా ఈ వ్యవహారంపై దర్శకుడు అనిల్ రావిపూడి స్పందించారు. ట్విట్టర్ వేదికగా చిన్నపాటి నోట్ ని పోస్ట్ చేశాడు.
“జగపతి బాబుగారు ‘సరిలేరు నీకెవ్వరు’లో నటించడానికి చాల ఆసక్తి చూపారు. ఈ సినిమాలో ఆయన తన పాత్రను ప్రేమించారు కూడా. అయితే కొన్ని కారణాల వల్ల.. ఆయన ఈ సినిమాలో నటించడం లేదు. కానీ భవిష్యత్తులో ఆయనతో కలిసి పని చేయాలని కోరుకుంటున్నాను. ఈ విషయంలో జగపతి బాబుగారు మమ్మల్ని అర్ధం చేసుకున్నందుకు కృతజ్ఞతలు” అంటూ రాసుకొచ్చారు అనిల్.
ప్రస్తుతం ఈ సినిమా ఫస్ట్ షెడ్యూల్ కశ్మీర్ లో జరుగుతోంది. అక్కడ మహేష్ ఆర్మీ ఆఫీసర్ గా కనిపించే సన్నివేశాలని తెరకెక్కిస్తున్నారు. వాటికి సంబంధించిన ఒకట్రెండు ఫోటోలు లీకయ్యాయి. అవి మహేష్ అభిమానులకి కిక్కునిచ్చాయ్. ఈ సినిమాలో మహేష్ జంటగా రష్మిక మందన నటిస్తున్నారు. లేడీ సూపర్ స్టార్ విజయశాంతి కీలక పాత్రలో కనిపించబోతున్నారు. అనిల్ సుంకర్-దిల్ రాజు-మహేష్ సంయుక్తం నిర్మిస్తున్నారు. వచ్చే యేడాది సంక్రాంతికి సినిమా ప్రేక్షకుల ముందుకు రానుంది.
ఈ విషయంపై జగపతిబాబు కూడా క్లారిటీ ఇచ్చారు. ‘ఈ సినిమా కథ నాకు బాగా నచ్చింది. ఈ సినిమా కోసం మరో రెండు సినిమాలని వదులుకోవడం కూడా నిజం. కానీ, కొన్ని పరిస్థితుల వల్ల, కొన్ని కొన్ని జరుగుతుంటాయి. దాని వలన సినిమా నుంచి తప్పుకోవాల్సి వచ్చింది. చిత్రబృందానికి ఆల్ ది బెస్ట్’ అన్నారు జగపతి.
Thanks for understanding and we respect you sir @IamJagguBhai #SarileruNeekevvaru ? pic.twitter.com/4H67ev3g3m
— Anil Ravipudi (@AnilRavipudi) July 19, 2019
