తన ముందు ఎవరు గొప్ప కాదు..అంటూ ప్రతి ఒక్కరి ఫై కామెంట్స్ చేస్తూ నిత్యం వార్తల్లో నిలిచే శ్రీ రెడ్డి..తాజాగా మహానటి కీర్తి సురేష్ ఫై సంచలన వ్యాఖ్యలు చేసి మరోసారి మీడియా లో హాట్ టాపిక్ అయ్యింది. నేను శైలజ చిత్రం తో ఇండస్ట్రీ కి పరిచమైన కీర్తి..ఆ తర్వాత నేను లోకల్ తో యూత్ ను ఆకట్టుకుంది. ఇక ఆ తర్వాత చేసిన మహానటి సినిమాతో ఎంతో గుర్తింపు తెచ్చుకుని మహానటి అనిపించుకుంది.
ప్రస్తుతం అన్ని భాషల్లో సినిమాలు చేస్తున్న ఈ బ్యూటీ..తాజాగా బాలీవుడ్ ఛాన్స్ రావడం తో అమ్మడు పూర్తిగా సన్నపడింది. ఈ నేపథ్యంలో శ్రీ రెడ్డి కీర్తి ఫై తన పేస్ బుక్ లో సంచలన కామెంట్స్ చేసింది. తాజాగా కీర్తి ఓ ఫ్లైట్‌లో ప్రయాణం చేస్తే తోటి ప్రయాణికులెవరు ఆమెను గుర్తు పట్టలేకపోయారని శ్రీరెడ్డి తన సోషల్ మీడియా అకౌంట్‌లో తెలిపింది.
కీర్తి సురేష్‌ను తాను కూడా గుర్తు పట్టలేకపోయానని..అక్కడున్న ప్రయాణికులందురు నన్ను గుర్తుపట్టి నాతో సెల్పీలు దిగడానికి పోటీ పడ్డారు. కానీ కీర్తి సురేష్‌ను అసలు పట్టించుకోలేదు. ఆ తర్వాత కొంత మంది సినిమా వాళ్లు ఆమెను రిసీవ్ చేసుకోవడంతో నాతో పాటు చాలా మందికి ఆమె కీర్తి సురేష్ అన్న విషయం తెలిసింది. అక్కడి తో ఆగకుండా మహానటిలో కీర్తి సురేష్ నటనను అందరు మెచ్చుకున్నారు. కానీ ఆ క్రెడిట్ అంతా కీర్తి సురేష్ ది మాత్రం కాదు.. ఈ సినిమాను తీసిన దర్శకుడు నాగ్ అశ్విన్‌కు చెందుతుందని చెప్పుకొచ్చింది. కీర్తి సురేష్ కంటే నటనలో సాయి పల్లవి ఎన్నో రెట్లు నయం అంటూ వ్యాఖ్యానించింది. ప్రస్తుతం ఈమె చేసిన కామెంట్స్ సోషల్ మీడియా లో వైరల్ అవుతున్నాయి.
