పవర్ స్టార్ ప‌వ‌న్ క‌ళ్యాణ్‌ ఇప్పుడు ఉన్న స్టార్ హీరోలలో ఒకరు. కానీ ఇప్పుడు అయన సినిమాలు మానేసి ప్రజాసేవ చేయడానికి జనసేన అనే పార్టీ స్థాపించి రాజకీయాల్లోకి వచ్చారు. ప‌వ‌న్ క‌ళ్యాణ్‌ అజ్ఞాత‌వాసి చిత్రం త‌ర్వాత సినిమాలు చేయ‌కుండా సినిమా ఫంక్షన్స్ కి వచ్చి అభిమానులను అలరిస్తున్నాడు.
మళ్ళి త‌మ అభిమాన న‌టుడిని వెండితెర‌పై చూడాల‌ని అభిమానులు ఎంతో ఆస‌క్తిగా ఎదురు చూస్తున్నారు. కానీ ఇప్పుడు అభిమానుల చెవికి ఓ శుభ‌వార్త వినిపించింది. ప‌వ‌న్ మ‌ళ్ళీ మేక‌ప్ వేసుకోనున్నాడ‌ని ప్ర‌చారం జ‌ర‌గుతుంది. అయితే పవర్ స్టార్ ఎప్పుడు ఎవరి దర్శకత్వంలో సినిమా చేయ‌నున్నాడనేది తెలుసుకునేందుకు అభిమానులు ఆరాలు తీయ‌డం మొద‌లు పెట్టారు.
సాయిధ‌ర‌మ్ తేజ్ త‌మ్ముడు వైష్ణ‌వ్ తేజ్ త్వ‌ర‌లో తెలుగు తెర‌పై ఎంట్రీ ఇవ్వబోతున్నాడు. ఈ క్ర‌మంలో ఆయ‌న న‌ట‌న‌తో పాటు వివిధ రంగాల‌లో శిక్ష‌ణ తీసుకుంటున్నాడ‌ని కొన్నాళ్ళుగా వార్త‌లు వినిపిస్తున్నాయి. ‘గోపాల గోపాల’, ‘కాటమరాయుడు’ చిత్రాల దర్శకుడు డాలి దర్శకత్వంలో వైష్ణ‌వ్ తేజ్ సినిమా ఉంటుందని, డాలికి ప‌వ‌న్‌తోను మంచి సాన్నిహిత్యం ఉన్నందున ఈ చిత్రంలో ముఖ్య పాత్ర చేయ‌మ‌ని పవర్ స్టార్‌ని కోరాడ‌ని, మేన‌ల్లుడి కోసం ప‌వ‌న్ వారి అభ్య‌ర్ధ‌న‌ని అంగీక‌రించార‌ట. మ‌రి ఇందులో నిజ‌మెంత ఉందో తెలియాల్సి ఉంది. ఒకవేళ నిజమే అయితే త్వ‌ర‌లో ప‌వ‌న్ వెండితెర‌పై మెరిసి మురిపించున్న‌డ‌న్న‌మాట.
