పంది పిల్లపై అదుగో అనే పేరుతో రవిబాబు కాస్త డిఫరెంట్ గా ఆలోచించి సినిమా తీయడం జరిగింది. ఇటీవ‌ల సినిమా ఫ‌స్ట్‌లుక్‌ను విడుద‌ల చేస్తూ `హాయ్‌.. మై నేమ్ ఈజ్ బంటీ` అంటూ పందిపిల్ల ఫోటోతో పోస్ట‌ర్ విడుద‌ల చేశారు. ఈ పోస్ట‌ర్ అల‌రించింది.
అయితే సోఫా వెనుక దాక్కున్న బంటిని బ‌య‌ట‌కి పిలిచి ప‌లు విన్యాసాలు చేయించారు. కింద కూర్చోవ‌డం, రోల్ అవ్వ‌డం, వెరైటీగా డ్యాన్స్ చేయించ‌డం వంటివి చేసింది బంటి. ఆ విన్యాసాల టీజర్ ని తాజాగా విడుద‌ల చేశారు. సెప్టెంబ‌ర్ 12న చిత్ర ట్రైల‌ర్‌ని విడుద‌ల చేయ‌నున్న‌ట్టు టీజర్ ద్వారా తెలిపారు.
ద‌స‌రా బరిలో తెలుగుతో పాటు అన్ని భారతీయ భాషల్లో ఈ చిత్రం విడుద‌ల కానుంది. ఇండియ‌న్ సినిమా చ‌రిత్రలోనే తొలి సారి పూర్తిస్థాయి లైవ్ యాక్షన్ 3డి యానిమేష‌న్‌తో రూపొందుతున్న ఈ సినిమాని రవిబాబు స్వయంగా తన సొంత నిర్మాణ సంస్థ ఫ్లైయింగ్‌ ఫ్రాగ్స్‌ బ్యానర్‌పై ఈ సినిమాని నిర్మిస్తున్నారు. ఈ చిత్రానికి నిర్మాత సురేష్ బాబు స‌మ‌ర్ప‌కుడిగా వ్య‌వ‌హ‌రిస్తున్నారు.
