సంక్రాంతి శుభాకాంక్షలతో జనవరి 9న రాబోతున్న విశ్వవిఖ్యాత నటసార్వభౌమ నందమూరి తారకరామారావు జీవిత నేపథ్యంలో ఎన్టీఆర్ బయోపిక్ మూవీ షూటింగ్ శరవేగంగా జరుగుతున్న సంగతి తెలిసిందే. అయితే బాహుబలి చిత్రంలో భారీ శరీర సౌష్టవంతో కనిపించిన రానా ఇప్పుడు క్లీన్ షేవ్ తో మీసాలు పెంచి బాబు గెటప్ లో ఒదిగిపోయే ప్రయత్నం చేస్తున్నాడు. ఎన్టీఆర్ జీవిత చరిత్రలో కీలక పాత్ర అయిన చంద్రబాబు నాయుడిగా రానా నటిస్తున్న సంగతి తెలిసిందే.
ప్రస్తుతం షూటింగ్ లో కూడా జాయిన్ అయ్యాడు రానా. రీసెంట్ గా చంద్రబాబు లాగా క్లీన్ షేవ్ తో మీసాలు పెంచిన రానాది లొకేషన్ కి సంబంధించిన పిక్ లీక్ అయింది. ఇందులో రానాని చూస్తుంటే ఆయన పూర్తిగా చంద్రబాబు పాత్రలో పరకాయ ప్రవేశం చేసినట్టుగా అనిపిస్తుంది. మరి మీరు ఓ లుక్ వెయ్యండి.
ఎన్టీఆర్ పాత్రని బాలయ్య పోషిస్తుండగా, ఆయన సతీమణి బసవతారకంగా బాలీవుడ్ నటి విద్యాబాలన్,. శ్రీదేవిగా రకుల్ ప్రీత్ సింగ్, అక్కినేని నాగేశ్వరరావుగా సుమంత్ , హెచ్ఎమ్ రెడ్డి కోసం సీనియర్ నటుడు కైకాల సత్యనారాయణ, దగ్గుబాటి వెంకటేశ్వరరావుగా భరత్ రెడ్డి, చంద్రబాబు నాయుడుగా రానా, ఆయన భార్య భువనేశ్వరిగా మలయాళ నటి మంజిమో మోహన్ నటిస్తున్నట్లు తెలుస్తుంది.
