సాధారణంగా మ్యాచ్ జరిగే సమయంలో బ్యాట్‌, కాలు, ఒక్కోసారి హెల్మెట్‌ వికెట్లను తగిలి హిట్‌ వికెట్‌గా ఆటగాళ్లు మూల్యం చెల్లించుకుంటారు. అలాంటిదే ఓ ఘటన ఆస్ట్రేలియా బ్యాట్స్‌మన్‌కు చోటుచేసుకుంది. ఎన్పీసీ, విక్టోరియా జట్ల మధ్య ఆదివారం ప్రాక్టీస్‌ మ్యాచ్ జరుగుతోంది. ఆసీస్‌ ఆటగాడు జేక్‌ వెదరాల్డ్‌ బ్యాటింగ్‌ చేస్తూ ఫ్రంట్‌ ఫూట్‌ డ్రైవ్‌కు యత్నించాడు.
అయితే అది కాస్తా గురితప్పింది. ఈ ఎడమ చేతి బ్యాట్స్‌మెన్‌ చేతిలోంచి బ్యాట్‌ గాల్లోకి ఎగిరింది. తలమీదుగా ఎగురుతూ బ్యాట్‌ లెగ్‌స్టంప్‌పై పడి బెయిల్స్‌ కిందపడ్డాయి. వెంటనే జేక్‌ వెదరాల్డ్‌ ఔట్‌ అంటూ అంపైర్‌ ప్రకటించాడు. అయితే ఒక్కోసారి ఇలా వెనుదిరగడం కాస్త ఫన్నీగా జరుగుతుంటుంది. బ్యాట్స్‌మెన్‌ క్రీజులోనే ఉండి అసలేం జరిగిందో తెలీక ముక్కుమీద వేలేసుకొని చూస్తూ అలా కాసేపు ఉండిపోవడం విశేషం.
ఈ వీడియోను క్రికెట్‌ ఆస్ట్రేలియా అధికారిక ట్విటర్‌లో పెట్టగా వైరల్‌గా మారింది. జేక్‌ ఎలా వెనుదిరిగాడో ఒకసారి చూడండి అంటూ క్యాప్షన్‌ కూడా పెట్టింది. ఈ ట్వీట్‌కు రీప్లై ఇస్తూ ఎన్‌ఎస్‌డబ్ల్యూ క్రికెట్‌ క్లబ్‌.. ఇలాంటిదే మరో ఘటనను షేర్‌ చేసింది.
Oh dear… Have a look at Jake Weatherald's bizarre dismissal in yesterday's practice match between the NPS and Victoria ??♂️ pic.twitter.com/9SujCT64gz
— cricket.com.au (@CricketAus) September 4, 2018
