క్రియేటివ్ డైరెక్ట‌ర్ ర‌విబాబు కాస్త డిఫరెంట్ గా ఆలోచించి పంది పిల్లపై అదుగో అనే పేరుతో తన సొంత నిర్మాణ సంస్థ ఫ్లైయింగ్‌ ఫ్రాగ్స్‌ బ్యానర్‌పై సినిమా తీస్తున్న సంగ‌తి తెలిసిందే. ఈ సినిమా షూటింగ్ ఎప్పుడో పూర్తైన గ్రాఫిక్స్ వ‌ర్క్ వ‌ల‌న సినిమా రిలీజ్‌కి చాలా టైం ప‌డుతుంది. ఇటీవ‌ల ర‌విబాబు పంది పిల్ల పళ్లుతోముతూ కనిపించారు. త‌ర్వాత పందిపిల్లను వీపుపై కూర్చోబెట్టుకుని పుషప్స్ చేస్తున్న వీడియో విడుద‌ల చేశాడు. ఫిట్‌నెస్ కోసం బంటి కూడా వ్యాయామం చేస్తోందని, మరి మీరెందుకు చేయరని ప్రశ్నించాడు.
అభిషేక్, నాభలు చిత్రంలో కీలక పాత్రల్లో నటించారు. ఈ చిత్రానికి నిర్మాత సురేష్ బాబు స‌మ‌ర్ప‌కుడిగా వ్య‌వ‌హ‌రిస్తున్నారు. ద‌స‌రా కానుక‌గా ఈ మూవీని విడుద‌ల చేయాల‌ని ర‌విబాబు భావిస్తున్నాడ‌ట. త్వ‌ర‌లోనే అఫీషియ‌ల్ ప్రకటన కూడా చేయ‌నున్నాడ‌ని తెలుస్తుంది. అయితే తాజాగా ఈ సినిమా ఫ‌స్ట్‌లుక్‌ను చిత్ర‌బృందం విడుద‌ల చేసింది. `హాయ్‌.. మై నేమ్ ఈజ్ బంటీ` అంటూ పందిపిల్ల ఫోటోతో విడుద‌లైన ఈ పోస్ట‌ర్ అల‌రిస్తుంది.
లైవ్ యాక్ష‌న్ త్రీడీ సాంకేతిక‌తో తెర‌కెక్కిన ఈ సినిమా తెలుగుతోపాటు ప‌లు భాష‌ల్లో విడుద‌ల కానుంది. ప్ర‌శాంంత్ విహారీ సంగీతం అందిస్తున్న ఈ సినిమాకు, సుధాకర్ రెడ్డి సినిమాటోగ్రాఫ‌ర్‌గా వ్య‌వ‌హ‌రించారు. ద‌స‌రా బరిలో రాబోతున్న అదుగో అప్పుడే మొదలయ్యాయి.
