అక్కినేని నాగచైతన్య, అను ఇమ్మాన్యుయేల్ జంటగా నటిస్తున్న చిత్రం ‘శైలజా రెడ్డి అల్లుడు’. సితార ఎంటర్‌టైన్‌మెంట్స్ బ్యానర్‌పై రాధాకృష్ణ ఈ సినిమాను సమర్పిస్తున్నారు. ఇటీవ‌ల చిత్రానికి సంబంధించి ప‌లు సాంగ్స్ విడుద‌ల చేసిన టీం తాజాగా చిత్ర ట్రైలర్ విడుద‌ల చేశారు. కామెడీ, యాక్షన్, ఫ్యామిలీ ఎలిమెంట్స్ తో ట్రైలర్ ని కట్ చేశారు.
‘నా పేరు చైతన్య. ముద్దుగా అందరూ చైతు అంటారు….’ అంటూ చైతు తనను, తన క్యారెక్టర్‌ను ఇంట్రడ్యూస్ చేసుకునే సీన్‌తో ట్రైలర్ స్టార్ట్ అవుతుంది. దేవుడు నా లైఫ్ ను స్మూత్ గా కాకుండా పుట్టినప్పుడు ఒకరిని డాడీ రూపంలో, ప్రేమించడానికి ఒకరిని అను రూపంలో, పెళ్లి జరగడానికి అత్త రూపంలో ఇంకొకరిని ఇచ్చి గట్టిగ తొక్కేసాడు.అని అంటే ‘నీలో పుచ్చకాయంత ప్రేమ ఉందా?’ అంటూ వెన్నెల కిషోర్ చేసే కామెడీ ఈ సినిమాకు హైలెట్‌గా నిలుస్తుంది.
ఈ సినిమాల్లో మాణిక్యం పాత్రలో పృధ్వీ కామెడీ హైలెట్ కానుంది. ‘శైలజారెడ్డిగా రమ్యకృష్ణ నటన ఈ సినిమాకు స్పెషల్ అట్రాక్షన్. చైతు తండ్రిగా మురళీ శర్మ నటన ఆకట్టుకుంటోంది. టోటల్‌గా ట్రైలర్‌ని బట్టి చూస్తే ఈ సినిమా ఫుల్ లెంగ్త్ కామెడీతో ప్రేక్షకులను అలరిస్తుందని అనిపిస్తోంది. ఇక ట్రైల‌ర్‌లో బ్యాక్ గ్రౌండ్ స్కోర్ తో పాటు సినిమాటోగ్రఫీ చాలా అందంగా ఉంది. గోపిసుంద‌ర్ చిత్రానికి స్వ‌రాలు స‌మకూర్చారు . తాజాగా విడుద‌లైన ట్రైల‌ర్‌పై మీరు ఓ లుక్కేయండి.
