అల్ల‌రి నరేష్, సునీల్ ప్ర‌ధాన పాత్ర‌ల‌లో భీమినేని శ్రీనివాస్ తెర‌కెక్కిస్తున్న మ‌ల్టీ స్టార‌ర్ చిత్రం సిల్లీ ఫెల్లోస్. ఇటీవ‌ల చిత్ర మోష‌న్ పోస్ట‌ర్ రిలీజ్ చేశారు. బైక్‌ పైన వెళుతున్న నరేష్, గాల్లో వేలాడుతున్న సునీల్ మధ్య జరిగే సంభాషణతో ఈ టీజర్‌ను డిజైన్‌ చేశారు. ఆ తరువాత సిల్లీ ఫెల్లోస్ ట్రైలర్ కూడా వదిలారు. సెప్టెంబర్ 7న చిత్రాన్ని విడుద‌ల చేయాల‌ని టీం భావిస్తుండ‌గా, మేక‌ర్స్ సినిమా ప్ర‌మోష‌న్ కార్య‌క్ర‌మాలు ప్రారంభించారు.
తాజాగా లైఫ్ హెడ్డేకురా అనే మాస్ సాంగ్ విడుద‌ల చేశారు. శ్రీ వ‌సంత్ స్వ‌ర‌ప‌ర‌చిన బాణీలు అందించ‌గా, పెంచ‌ల్ దాస్ పాట పాడారు. కొన్నాళ్ళుగా స‌రైన హిట్స్ లేని హీరోలు సునీల్, అల్ల‌రి నరేష్ ఈ ప్రాజెక్ట్‌పై భారీ హోప్స్ పెట్టుకున్నారు. బ్లూ ప్లానెట్‌ ఎంటర్‌టైన్మెంట్స్‌, పీపుల్స్‌ మీడియా ఫ్యాక్టరీలు సంయుక్తంగా ఈ చిత్రాన్ని నిర్మిస్తున్నాయి. పూర్ణ, చిత్ర శుక్లా, నందిని రాయ్‌లు హీరోయిన్ లుగా న‌టిస్తున్నారు. హీరోయిజంతో పాటు కామెడీని కలగలిపి ప్రేక్షకులని కడుపుబ్బ నవ్విస్తున్న ఈ ఇద్దరు హీరోల సినిమా పై అభిమానుల‌లో భారీ అంచ‌నాలు ఉన్నాయి.
