తెలుగు దేశం పార్టీ నాయకుడు మరియు సినీ నటుడు హరికృష్ణ కన్నుమూశారన్న వార్త తెలిసి తెలుగు చిత్ర పరిశ్రమ ఒక్కసారిగా షాక్‌కు గురైంది. సినీ, రాజకీయ ప్రముఖులు హరికృష్ణ మృతికి తీవ్ర సంతాపం వ్యక్తం చేశారు. నందమూరి కుటుంబానికి ముఖ్యంగా కల్యాణ్‌రామ్‌, ఎన్టీఆర్‌కు ఆ దేవుడు మనోస్థైర్యాన్ని ఇవ్వాలని ప్రార్థించారు.
తాజాగా నందమూరి తారక రామారావు గారి జీవిత చరిత్రను ఎన్టీఆర్ పేరుతో సినిమా తీస్తున్న డైరెక్ట‌ర్ క్రిష్ కూడా హరికృష్ణ మృతికి సంతాపం తెలియ‌జేశారు. చిన్న వ‌య‌సులో తండ్రి ముందు న‌డుస్తున్న హరికృష్ణ ఫోటోను త‌న ట్విట‌ర్ ఖాతాలో పోస్ట్ చేశారు. `మార్పు కోసం రామ ర‌థ చక్రాలు నడిపిన చైత‌న్య ర‌థ సార‌థ్యం.. చిన్న నాటే జనం కోసం త్రండి ముందు న‌డిచిన వారసత్వం.. 1962లో దేశ ర‌క్ష‌ణ కోసం విరాళాలు సేక‌రిస్తున్న ఎన్టీయార్ ముందు న‌డుస్తున్న హరికృష్ణ` అంటూ క్రిష్ ట్వీట్ చేశారు.
మార్పుకోసం రామ రధ చక్రాలు నడిపిన చైతన్యరధసారధ్యం
చిన్ననాటే జనం కోసం తండ్రి ముందు నడచిన వారసత్వం#NandamuriHarikrishna garu leading NTR garu during the National Defence Fund activity in 1962.. pic.twitter.com/8LXvDP8Dzw— Krish Jagarlamudi (@DirKrish) August 29, 2018
