తెలంగాణ ఐటీ మంత్రి కేటీఆర్‌ సోషల్‌ మీడియాలో ఎంత యాక్టివ్‌గా ఉంటాడో ప్రత్యేకంగా చెప్పనక్కర్లేదు. తన వ్యక్తిగత విషయాలను, సామాజిక విషయాలను మరియు తన శాఖకు సంబంధించిన విషయాలను ఎప్పటికప్పుడు ట్విట్టర్‌ ద్వారా తెలియజేస్తూ అభిమానులకు కేటీఆర్‌ దగ్గరగా ఉంటాడు. కేటీఆర్‌ ట్విట్టర్‌ ఖాతాను ఫాలో అవుతున్న వారి సంఖ్య తాజాగా మిలియన్‌ మార్క్‌ చేరింది.
తెలుగు రాష్ట్రాల్లో మిలియన్‌ మార్క్‌ను ట్విట్టర్‌లో అందుకున్న రాజకీయ నాయకుడిగా కేటీఆర్‌ రికార్డు సాధించాడు. ట్విట్టర్‌లో మిలియన్‌ మార్క్‌ను చేరడం అంటే మామూలు విషయం కాదు. కేటీఆర్‌ చాలా రెగ్యులర్‌గా ట్విట్టర్‌లో పోస్ట్‌లు చేస్తూ ఉండటంతో పాటు, సమస్యలు ఏమైనా ఉన్నా కూడా వెంటనే ట్విట్టర్‌ ద్వారా పరిష్కారం చేసేందుకు కేటీఆర్‌ ప్రయత్నాలు చేస్తున్నాడు. అందుకే కేటీఆర్‌కు ట్విట్టర్‌లో అత్యధిక ఫాలోవర్స్‌ ఉన్నారు.
