పవన్‌ కళ్యాణ్‌పై చిన్న వ్యాఖ్య చేసేందుకు కూడా సినీ వర్గాల వారు మరియు మీడియా వారు భయపడతారు. కాని వర్మ మాత్రం తన నోటికి వచ్చినట్లుగా వర్మను విమర్శిస్తూ ఉండేవాడు. వర్మపై పవన్‌ ఫ్యాన్స్‌ ఆ మద్య చిన్నపాటి యుద్దమే చేశారు. గత కొన్నాళ్లుగా పవన్‌పై వర్మ విమర్శలు తగ్గాయి. వర్మ తగ్గించిన నేపథ్యంలో కత్తి మహేష్‌ మొదలు పెట్టాడు. గత కొన్ని నెలలుగా పవన్‌పై తీవ్ర స్థాయిలో విమర్శలు చేస్తూ రచ్చ రచ్చ చేస్తున్నాడు. తెలుగు సినిమా పరిశ్రమలో మరియు రాజకీయ వర్గాల్లో కత్తి మహేష్‌ వ్యాఖ్యల గురించి చర్చ జరుగుతుంది.
తాజాగా మరోసారి పవన్‌ కళ్యాణ్‌పై కత్తి మహేష్‌ విరుచుకు పడ్డాడు. పవన్‌ తాజాగా కేసీఆర్‌ను కలిసి కొత్త సంవత్సర శుభాకాంక్షలను తెలియజేసిన విషయం తెల్సిందే. కేసీఆర్‌ను పవన్‌ కలవడంను కత్తి మహేష్‌ తీవ్రంగా తప్పుబట్టాడు. నిన్న మొన్నటి వరకు కేసీఆర్‌ను తిట్టిన పవన్‌ ఇప్పుడు స్వార్థం లేకుండా కలిశాడు అంటే నమ్మే వారు ఎవరు లేరు అంటూ వ్యాఖ్యలు చేశాడు.
పవన్‌ కళ్యాణ్‌ ‘అజ్ఞాతవాసి’ చిత్రం కోసమే ఖచ్చితంగా కలిశాడు అని, పవన్‌ అజ్ఞాతవాసి కాదని, ఒక అజ్ఞానవాసి అంటూ వింత వ్యాఖ్యలు చేశాడు. పవన్‌పై కత్తి మహేష్‌ చేస్తున్న విమర్శలకు పవన్‌ ఫ్యాన్స్‌ తీవ్ర ఆగ్రహం వ్యక్తం చేస్తున్నారు. ఆ మద్య పవన్‌ స్పందిస్తూ తనపై విమర్శలు చేస్తే వారి సమయం వృదా అంటూ కత్తి మహేష్‌కు చురకలు అంటించాడు.
