సూపర్‌ స్టార్‌ మహేష్‌బాబు స్పైడర్‌ చిత్రం కోసం తెలుగు ప్రేక్షకులతో పాటు తమిళ ఆడియన్స్‌ కూడా ఎంతో ఆసక్తిగా ఎదురు చూస్తున్న విషయం తెల్సిందే. తెలుగు సూపర్‌ స్టార్‌ మహేష్‌బాబు, తమిళ సూపర్‌ స్టార్‌ మురుగదాస్‌ కలయికలో వస్తున్న ఈ సినిమాపై అంచనాలు ఇప్పటికే అంచనాలు ఆకాశాన్ని తాకేలా ఉన్నాయి. ఇక అంచనాలకు ఏమాత్రం తగ్గకుండా ఉండబోతుందని ఇటీవలే విడుదలైన టీజర్ చెప్పనకే చెప్పింది. ఇక తాజాగా విడుదలైన ట్రైలర్‌ సినిమా స్థాయి ఏంటో మరో సారి చూపించింది.
సినిమా ట్రైలర్‌లో మహేష్‌బాబు పాత్రపై పూర్తి క్లారిటీ వచ్చింది. మహేష్‌బాబు పాత్ర పేరు శివ. ఎవరికైనా కష్టాల్లో ఉంటే వెంటనే తెలిసిపోయే విధంగా ఆయన కంప్యూటర్‌లో ఏర్పాటు చేసుకుంటాడు. ఎవరైనా కష్టం అన్నా, ఏడ్చినా కూడా వెంటనే అక్కడ వాలిపోతాడు. అలాంటి పాత్రకు మనుషులను మేకలకంటే హీనంగా చంపుతున్న విలన్‌ తారసపడతాడు. అప్పుడు శివ ఆ విలన్‌ను ఎలా అంతమొందించాడు అనేది సినిమాగా ట్రైలర్‌ చూస్తుంటే అనిపిస్తుంది.
విజువల్స్‌ను చూస్తుంటే బాలీవుడ్‌ సినిమాకు ఏమాత్రం తీసిపోని విధంగా ఉంది. తప్పకుండా ఇదో అద్బుత సినిమాగా నిలుస్తుందని, మహేష్‌బాబు కెరీర్‌లో నిలిచిపోతుందని ట్రైలర్‌ చూస్తుంటే అనిపిస్తుంది. రకుల్‌ ప్రీత్‌ సింగ్‌ హీరోయిన్‌గా ఎస్‌ జే సూర్య విలన్‌గా పలువురు ప్రముఖ నటీనటులు నటించిన ఈ సినిమా ఈనెల 27న ప్రేక్షకుల ముందుకు వచ్చేందుకు సిద్దం అయ్యింది.
