ఎన్టీఆర్‌ హోస్ట్‌గా వ్యవహరిస్తున్న బిగ్‌బాస్‌ షో క్లైమాక్స్‌కు వచ్చిందని చెప్పుకోవచ్చు. 14 మంది రెగ్యులర్‌ కంటెస్టెంట్స్‌ మరియు ఇద్దరు వైల్డ్‌ కార్డు ఎంట్రీ కంటెస్టెంట్స్‌ మొత్తం 16 మందిలో ఇప్పుడు కేవలం 6 సభ్యులు మాత్రమే మిగిలారు. నిన్న ఆదివారం నవదీప్‌, ఆదర్ష్‌, ప్రిన్స్‌ ముగ్గురిలోంచి ప్రిన్స్‌ వెళ్లడం అందరిని ఆశ్చర్యంకు గురి చేసింది. అంతకు ముందు రోజే తాను నెం.1 స్థానంలో ఉంటాను అంటూ చెప్పుకొచ్చిన ప్రిన్స్‌ అర్థాంతరంగా ఇంటి నుండి వెళ్లి పోవడం ఆశ్చర్యంను కలిగించింది.
ప్రిన్స్‌పై చాలా మందికి నమ్మకం కుంది. టాప్‌ 2 లేదా 3 స్థానంలో ప్రిన్స్‌ ఉంటాడని అంతా భావించారు. కాని ప్రిన్స్‌ను ప్రేక్షకులు ఆధరించలేదు. ఎక్కు శాతం ఓట్లు నవదీప్‌కు పడ్డట్లుగా ఎన్టీఆర్‌ ప్రకటించి ప్రిన్స్‌ను ఎలిమినేట్‌ చేయడం జరిగింది. గత మూడు నాలుగు వారాలుగా అర్చన ఇంట్లోంచి వెళ్లి పోతుందని అంతా భావించారు. కాని ఆమెకు మాత్రం ప్రేక్షకులు మద్దతుగా నిలుస్తున్నారు. ఇక ఇంట్లో మిగిలి ఉన్నది హరితేజ, శివబాలాజీ, ఆదర్ష్‌, అర్చన, నవదీప్‌, దీక్ష. 
ఈ ఆరుగురిలో ఈ వారంలో ఎవరు ఎలిమినేట్‌ కాబోతున్నారు అనే విషయంపై నేడు నామినేషన్స్‌ జరుగనున్నాయి. మొత్తానికి షో క్లైమాక్స్‌కు వచ్చేస్తున్న సమయంలో మరింత ఆసక్తిగా కొనసాగుతుంది. బిగ్‌బాస్‌ షో విన్నర్‌ హరితేజ లేదా శివబాలాజీ అని ఎక్కువ శాతం సినీ వర్గాల వారు మరియు ప్రేక్షకులు అనుకుంటున్నారు.
