‘కుమారి 21ఎఫ్‌’ చిత్రంతో తెలుగు ప్రేక్షకులను ఆకట్టుకున్న హెబ్బా పటేల్‌ ఆ తర్వాత వరుసగా ఆఫర్స్‌ను దక్కించుకుంది. హీరోయిన్‌ ఓరియంటెడ్‌ చిత్రం అయిన ‘ఏంజిల్‌’లో ఈ అమ్మడికి అవకాశం వచ్చింది. దేవ కన్య పాత్రలో ఈమె కనిపించబోతున్నట్లుగా ట్రైలర్‌ను చూస్తుంటే అనిపిస్తుంది. ఈ సినిమా ఎప్పుడో షూటింగ్‌ పూర్తి చేసుకున్నప్పటికి కొన్ని కారణాల వల్ల సినిమా ఆలస్యం అవుతూ వచ్చింది.
ఎట్టకేలకు ఈ సినిమాను విడుదల చేసేందుకు ఏర్పాట్లు చేస్తున్నారు. అందులో భాగంగానే ఈ సినిమా ట్రైలర్‌ను విడుదల చేయడం జరిగింది. ఈ చిత్రంలో భారీ విజువల్‌ ఎఫెక్ట్‌ ఉన్నట్లుగా అనిపిస్తుంది. ఇదొక సోషియో ఫాంటసీ చిత్రంగా అనిపిస్తుంది. ఒక ఆసక్తికర కథాంశంతో ఈ సినిమా తెరకెక్కిందని మొదటి నుండి యూనిట్‌ సభ్యులు చెబుతున్నారు. ట్రైలర్‌ చూస్తుంటే నిజమే అనిపిస్తుంది. సినిమాలో మ్యాటర్‌ ఉండేలా ఉంది. తప్పకుండా సినిమా చూడాలనిపించే విధంగా ట్రైలర్‌ ఉంది. త్వరలోనే ఈ సినిమాను ప్రేక్షకుల ముందుకు తీసుకు రాబోతున్న నేపథ్యంలో అంచనాలు ఒక్కసారిగా పెరిగాయి. 
ఏంజిల్‌గా హెబ్బా పటేల్‌ నిజంగానే ఏంజిల్‌ మాదిరిగా ఉంది. ఇక సప్తగిరి కామెడీ తప్పకుండా సినిమాకు అదనపు ఆకర్షణగా నిలుస్తుందనే నమ్మకంతో చిత్ర యూనిట్‌ సభ్యులున్నారు. ఇక హీరోగా నాగ అన్వేష్‌ కూడా హెబ్బాకు జోడీగా తప్పకుండా ఆకట్టుకుంటాడు అనే నమ్మకం కలుగుతుంది. సినిమాలో మ్యాటర్‌ ఉందని ట్రైలర్‌ చూస్తుంటే అనిపిస్తుంది. తప్పకుండా సినిమా విజయం సాధిస్తుందని నిర్మాత అంటున్నాడు. మరి హెబ్బా పటేల్‌ ఈ సినిమాను ఏం చేస్తుందో చూడాలి.
