ఫ్రీ కాల్స్ , ఫ్రీ డేటా , ఫ్రీ వాయిస్ కాల్స్ ఇలా అన్ని ఫ్రీ ఇచ్చి ఒక్కసారిగా టెలికం రంగం లో సరికొత్త సంచలనాలు సృష్టించిన జియో..ఇప్పుడు జియో ఫోన్ ను అందుబాటులోకి తీసుకరాబోతున్న సంగతి తెల్సిందే..అయితే ఈ ఫోన్ పేస్ బుక్ , వాట్సాప్ వంటి ఫీచర్స్ లేకపోయేసరికి అంత బాధ పడుతున్నారు. ఇది గ్రహించిన జియో యాజమాన్యం జియో ఫోన్‌లో పనిచేసే విధంగా వాట్సాప్ కొత్త వెర్షన్‌ను తీసుకొచ్చేందుకు సన్నాహాలు చేస్తోంది.
ప్రస్తుతం జియో తీసుకొస్తున్న ఓఎస్‌లో వాట్సాప్ వినియోగించే అవకాశం లేదు. దీంతో ఈ ఫోన్‌లోనూ వాట్సాప్ పనిచేసే విధంగా కొత్త వెర్షన్‌ను అందుబాటులోకి తీసుకురానున్నారు. ఇందు కోసం జియో ఫేస్‌బుక్‌తో సంప్రందింపులు జరుపుతోంది. అయితే, ఈ చర్చలు ప్రస్తుతం ఇంకా ప్రాథమిక దశలోనే ఉన్నాయని, సాంకేతికంగా ఇదో సవాల్‌ అని జియోకు చెందిన విశ్వసనీయ వర్గాలు తెలిపాయి.
