తెలుగు బిగ్‌బాస్‌ షో కొంచెం ఇష్టం, కొంచెం కష్టం అన్నట్లుగా కొనసాగుతూ వస్తుంది. శని, ఆది వారాల్లో ఎన్టీఆర్‌ వస్తున్న నేపథ్యంలో షోకు విపరీతమైన క్రేజ్‌ వస్తుంది. అదే సోమ వారం నుండి శుక్రవారం వరకు పార్టిసిపెంట్ల గొడవ, సోది వినలేక ప్రేక్షకులు విసుగెత్తి పోతున్నారు. ప్రతి వారం బిగ్‌బాస్‌ వారికి లగ్జరీ బడ్జెట్‌ టాస్క్‌ను ఇస్తూ ఉన్నారు. ఆ టాస్క్‌ ప్రతి సారి విఫలం అవుతూ వస్తుంది. గత వారంలో జంతువులు, అడవి అనే టాస్క్‌ను ఇవ్వడం జరిగింది. దాన్ని మద్యలోనే వదిలేశారు. చాలా మందికి ఆ టాస్స్‌ ఏంటి, ఏం చేయాలి అనేది అర్థం కాలేదు. ఇప్పుడు మరోసారి అలాంటి టాస్స్‌కే బిగ్‌బాస్‌ ఇంటి సభ్యులకే ఇవ్వడం జరిగింది.
ఈ వారం లగ్జరీ బడ్జెట్‌ కోసం అని ఇంటి సభ్యులను రెండు టీంలుగా విడగొట్టి ఒక టీం వారు డబ్బును తయారు చేయడం, మరో టీం వారు ఆ డబ్బును వేరే టీం నుండి వసూళ్లు చేయాలట. ఏంటో ఈ టాస్‌ ఎంత ఆలోచించినా కొందరికి అర్థమే కావడం లేదు అంటున్నారు. ఆ డైమండ్‌ ఏంటో, ఆ మనీ ముద్రణ ఏంటో, ఉప్పుకు రెండు వేలు ఏంటో ఏమీ అర్థం కావడం లేదు అంటూ కొందరు ప్రేక్షకులు విస్తు పోతున్నారు. చాలా తీక్షణంగా చూస్తూ, ఆలోచిస్తేనే ఈ టాస్క్‌ ఏంటి అనేది అర్థం అవుతుందని కొందరు అభిప్రాయ పడుతున్నారు. మొత్తానికి బిగ్‌బాస్‌ ఇచ్చే టాస్క్‌లు ఎంటర్‌టైన్‌మెంట్‌గా లేకపోవడంతో పాటు, చెత్తగా ఉంటున్నాయనే విమర్శలు వ్యక్తం అవుతున్నాయి.
