ప్రస్తుతం దేశ వ్యాప్తంగా ప్రేక్షకులను బిగ్‌బాస్‌ షో ఏ స్థాయిలో ఆకట్టుకుంటుందో ప్రత్యేకంగా చెప్పనక్కర్లేదు. హిందీలో సూపర్‌ హిట్‌ అయిన బిగ్‌బాస్‌ షోను ప్రస్తుతం తమిళం మరియు తెలుగులో కూడా నిర్వహిస్తున్నారు. తెలుగు కంటే రెండు వారాల ముందు ప్రారంభం అయిన తమిళ బిగ్‌బాస్‌ షో విమర్శలు, ప్రశంసలతో కొనసాగుతుంది. తమిళ ఆడియన్స్‌ నుండి బిగ్‌బాస్‌ షోకు మరింతగా రెస్పాన్స్‌ తీసుకు వచ్చేందుకు బింధు మాధవిని వైల్డ్‌ కార్డ్‌ ఎంట్రీ ద్వారా లోనికి పంపించాలని భావిస్తున్నారు.
ఇప్పటికే సగం రోజులు పూర్తి అయ్యాయి. ఈ సమయంలో బింధుమాధవి ఎంట్రీపై పలువురు పలు రకాలుగా అనుమానాలు వ్యక్తం చేస్తున్నారు. ఇటీవలే తెలుగులో దీక్షా పంత్‌ను బిగ్‌బాస్‌ షోలో వైల్డ్‌ కార్డ్‌ ఎంట్రీ ద్వారా పంపించడం జరిగింది. ఇప్పుడు తమిళంలో బిగ్‌బాస్‌ షోలో తెలుగమ్మాయి బింధు మాధవిని తమిళ బిగ్‌బాస్‌లో జాయిన్‌ చేయడం జరిగింది.
కమల్‌ హాసన్‌ స్వయంగా బింధు మాధవిని బిగ్‌బాస్‌ ఇంట్లో జాయిన్‌ చేశాడు. ముందు ముందు తెలుగులో కూడా మరో ఇద్దరు లేదా ఒక్కరు సెలబ్రెటీలు వైల్డ్‌ కార్డ్‌ ద్వారా లోనికి వెళ్లే అవకాశం ఉంది. తమిళ బిగ్‌బాస్‌ షోకు బింధుమాధవి తప్పకుండా అదనపు ఆకర్షణ అవుతుందని నిర్వాహకులు భావిస్తున్నారు.
