ఎన్టీఆర్‌ హోస్ట్‌గా స్టార్‌ మాటీవీలో బిగ్‌ బాస్‌ షో ప్రారంభం అయ్యింది. తెలుగు ప్రేక్షకులు నెల రోజులుగా ఎంతో ఆసక్తిగా ఎదురు చూసిన బిగ్‌ బాస్‌ షో రెండు ఎపిసోడ్‌లు పూర్తి అయ్యింది. మొదటి ఎపిసోడ్‌లో ఎన్టీఆర్‌ పార్టిసిపెంట్లను పరిచయం చేసి వారిని బిగ్‌బాస్‌ హౌస్‌లో జాయిన్‌ చేసి వెళ్లి పోయాడు. బిగ్‌బాస్‌ హౌస్‌లో మొదటి రోజు పార్టిసిపెంట్లు ఎలా వ్యవహరించారు అనే విషయాల గురించి నిన్నటి ఎపిసోడ్‌లో చూపించారు. ఆశ్చర్యకరంగా బిగ్‌బాస్‌ ఫస్ట్‌ కెప్టెన్‌గా అంటే లీడర్‌గా సంపూర్నేష్‌బాబుకు ఛాన్స్‌ దక్కింది.
బిగ్‌బాస్‌ హౌస్‌లో ఎవరికి ఉండే అర్హత తక్కువ ఉంది అంటూ బిగ్‌బాస్‌ ప్రశ్నించిన సమయంలో ఎక్కువ శాతం మంది సంపూర్నేష్‌బాబు పేరు చెప్పారు. అందరు ఆశ్చర్యపోయే విధంగా బిగ్‌బాస్‌ సంపూర్నేష్‌బాబుకు అరుదైన గౌరవం ఇచ్చాడు. ఈ వారం ఎలిమినేట్‌ నామినేషన్‌లో సంపూర్నేష్‌బాబు లేడు. దాంతో సంపూర్నేష్‌బాబు ఈ వారం రోజుల పాటు హాయిగా హౌస్‌లో ఉండవచ్చు. ఈ వారం రోజులు ఆయన ఎలాంటి పని కూడా చేయనక్కర్లేదు. ఈ విషయాన్ని బిగ్‌బాస్‌ స్వయంగా పార్టిసిపెంట్లకు చెప్పడం జరిగింది. సంపూ ఈ వారం రోజులు పార్టిసిపెంట్లు ఎలా ఇంట్లో ఉండాలి అనే విషయాన్ని మార్గ నిర్ధేశం చేస్తాడు.
