యంగ్‌రెబల్‌ స్టార్‌ ప్రభాస్‌ ‘బాహుబలి’ చిత్రంతో ఒక్కసారిగా జాతీయ స్థాయి హీరోగా మారిపోయాడు. రెబల్‌స్టార్‌ కాస్త ఇప్పుడు బాహుబలి ప్రభాస్‌గా గుర్తింపు పొందాడు. ప్రభాస్‌ ప్రస్తుతం హాలిడేస్‌ను ఎంజాయ్‌ చేస్తున్నాడు. ఈయన తదుపరి చిత్రాన్ని కుర్ర దర్శకుడు సుజీత్‌ తెరకెక్కించనున్నాడు. సుజీత్‌ అందుకు సంబంధించిన స్క్రిప్టును రెడీ చేస్తున్నాడు. ఈ చిత్ర టీజర్‌ను కూడా విడుదల చేసి షూటింగ్‌ మొదలుపెట్టకముందే అంచనాలను ఆకాశానికి ఎత్తేశారు. ఈ చిత్రాన్ని 150కోట్లతో హాలీవుడ్‌ స్థాయిలో తెరకెక్కించడానికి చిత్ర యూనిట్‌ కసరత్తులు చేస్తున్నారు.
ప్రభాస్‌ హాలిడేస్‌ నుండి తిరిగిరాగానే రెగ్యులర్‌ షూటింగ్‌ను మొదలు పెట్టనున్నారు. షూటింగ్‌ మొదలు కాకముందే ఈ చిత్రానికి 400కోట్ల ఆఫర్‌ వచ్చింది. ప్రముఖ డిస్ట్రిబ్యూషన్‌ సంస్థ ఈరోస్‌ 400కోట్లను వెచ్చించి ఈ చిత్ర థియేటర్‌ హక్కులను కొనుగోలు చేయడానికి సిద్దమయ్యింది. తాజాగా ఈ చిత్ర నిర్మాతలను కూడా సంప్రదించినట్టు తెలుస్తోంది. ‘బాహుబలి’ చిత్రంతో ప్రభాస్‌ స్టామినా అంతా ఇంతా కాదు, అందుకే ప్రభాస్‌ ఈ చిత్ర చిత్రీకరణ ఇంకా ప్రారంభం కాకముందే 400కోట్ల బిజినెస్‌ అవుతోంది. ‘సాహో’ చిత్రానికి 400కోట్ల బిజినెస్‌ నిజం అయితే ప్రభాస్‌ కెరియర్‌లో ఇది మరో పెద్ద రికార్డు అవడం ఖాయం. ఈ భారీ డీల్‌ ఒకే అయితే ఇక ప్రభాస్‌ సంచలనాలకు మారుపేరుగా నిలుస్తాడేమో!
