కెరియర్‌ మొదట్లో వరుస విజయాలను సొంతం చేసుకున్న సుప్రీమ్‌ హీరో సాయిధరమ్‌ తేజ్‌కు ఆ తర్వాత ‘తిక్క’, ‘విన్నర్‌’ చిత్రాలు నిరాశనే మిగిల్చాయి. అంచనాలకు తగ్గట్టు ఈ సినిమాలు లేకపోవడంతో సాయి ధరమ్‌ తేజ్‌ వెంటనే మంచి హిట్‌తో ప్రేక్షకుల ముందుకు రావాలని ప్లాన్‌ చేశాడు. ప్రస్తుతం సాయిధరమ్‌ తేజ్‌ ‘జవాన్‌’ చిత్రంలో నటిస్తున్నాడు. ప్రముఖ రచయిత బీవీఎస్‌ రవి ఈ చిత్రంతో దర్శకుడిగా ఎంట్రీ ఇస్తున్నాడు. విభిన్న కథాంశంతో రాబోతున్న ఈ చిత్ర షూటింగ్‌ ప్రస్తుతం హైద్రాబాద్‌లో జరుగుతోంది.
ఒక పాటలో చిన్న బిట్‌ను నేడు చార్మినార్‌ వద్ద షూట్‌ చేశారట. పగలు అయితే ట్రాఫిక్‌ సమస్య, జనాల సమస్య ఉంటుందని భావించిన యూనిట్‌ తెల్లవారు జామునే వెళ్లి అందుకు సంబంధించిర షూట్‌ను పూర్తి చేశారట. ఈ మెగా హీరో అభిమానుల్ని అలరించడానికి చార్మినార్‌ దగ్గర పిచ్చి పిచ్చిగా చిందులేసి ‘జవాన్‌’ పాటలో చూపించబోతున్నాడు. సాయిధరమ్‌ తేజ్‌కు ‘జవాన్‌’పై చాలా ఆశలు ఉన్నాయి. మరి అంచనాలకు తగ్గట్టు ఈ సినిమా ఉంటుందా అనేది చూడాలి. ఈ చిత్రంతో పాటు సాయిధరమ్‌ తేజ్‌ ‘నక్షత్రం’ సినిమాలో కూడా నటిస్తున్నాడు.
