వెండితెర మీద, బుల్లితెర మీద తన కంఠంతో, నటనతో తిరుగులేని స్థానం సంపాదించుకున్న మెగాస్టార్‌ అమితాబ్‌ తాజాగా ‘సర్కార్‌ 3’ చిత్రంతో ప్రేక్షకుల ముందుకు వచ్చాడు, కానీ ఈ చిత్రం పెద్దగా సక్సెస్ సాధించలేదు. ఈ వయస్సులో కూడా సినిమాల్లో నటించడం పైగా పవర్‌ఫుల్‌ పాత్రలలో నటించడం బిగ్‌ బి అమితాబ్‌కే సాద్యం. ఈయన కేవలం సినిమాలే కాకుండా బుల్లితెరపై పలు షోలు కూడా నిర్వహిస్తూ ఉంటాడు. అమితాబ్‌ ‘కౌన్‌ బనేగా కరోడ్‌పతి’ అనే కార్యక్రమాన్ని చాలా విజయవంతం చేశాడు. నిజానికి అమితాబ్‌ వల్లనే ఈ కార్యక్రమం అంతగా సక్సెస్ అయ్యింది అని బాలీవుడ్‌ ప్రేక్షకులు అంటుంటారు. ఆ కార్యక్రమాన్ని ప్రేరణగా తీసుకుని అలాంటివి చాలా షోలు సౌత్‌లోకి వచ్చాయి.
‘కౌెన్‌ బనేగా కరోడ్‌పతి’ కార్యక్రమంతో బాగా పాపులర్‌ అయిన అమితాబ్‌ తాజాగా ఈ కార్యక్రమానికి బై చెప్పినట్టు తెలుస్తోంది. ఇంత సక్సెస్ అయిన ఈ షోను తాను మాత్రమే సమర్థవంతంగా నిర్వహించగలను అనే నమ్మకాన్ని ఏర్పరిచిన అమితాబ్‌ ఆరోగ్య కారణాల వల్ల ఈ కార్యక్రమం నుండి అవుట్‌ అయ్యాడు. వయస్సు పెరుగుతున్నా కొద్ది ఆరోగ్యం సహకరించదు కదా అందుకే పలు సినిమాలు చేస్తూ బుల్లితెరపై కూడా చేయడం తన వల్ల కాదని ఈ కార్యక్రమాన్ని ఎత్తేశాడు. అమితాబ్‌ స్థానాన్ని సీనియర్‌ హీరోయిన్లతో భర్తీ చేయాలని సదరు కార్యక్రమం యూనిట్‌ వారు అంటున్నారు..
