మిల్కీబ్యూటి తమన్నాకు స్టార్‌ హీరోల సరసన వచ్చే అవకాశాలు కరువయ్యాయి. టాప్‌ హీరోల సరసన నటించిన ఈ అమ్మడికి ప్రస్తుతం తెలుగులో ఒక్క అవకాశం కూడా లేదు. ‘బాహుబలి’ మొదటి పార్టులో ఈ అమ్మడికి మంచి గుర్తింపు వచ్చింది కానీ రెండో పార్టులో చెప్పుకోదగ్గ పాత్రనే లేదు. ‘బాహుబలి’ తర్వాత ఈ అమ్మడికి మంచి గుర్తింపు వస్తుంది అని భావించిన అభిమానులకు నిరాశే మిగిల్చింది. తాజాగా ఈ అమ్మడికి తెలుగులో చెప్పుకోదగ్గ అవకాశాలే రావడం లేదు. తమిళంలో కూడా సేమ్‌ సీన్‌ రిపీట్‌ అవుతుంది.
కేవలం ఒకే ఒక సినిమాలో అవకాశం వచ్చింది. సుకుమార్‌ దర్శకత్వంలో తెలుగులో ‘100% లవ్‌’ చిత్రంతో మంచి గుర్తింపును సొంతం చేసుకున్న మిల్కీబ్యూటీకి తాజాగా ఈ ఆఫర్‌ తగిలింది. తెలుగులో మంచి విజయాన్ని సాధించిన ఈ చిత్రాన్ని తమిళంలో రీమేక్‌ చేయడానికి సన్నాహాలు జరుగుతున్నాయి. జీవీ ప్రకాష్‌ హీరోగా నటించనుండగా తమిళంలో కూడా సుకుమార్‌నే తెరకెక్కించనున్నాడు అని టాక్‌ వినిపిస్తుంది. ఈ చిత్రంలో మహాలక్ష్మి పాత్రను పోషించడానికి మరోసారి సుకుమార్‌ తమన్నానే తీసుకుంటున్నాడట. తెలుగులో ఈ చిత్రం ద్వారా మంచి గుర్తింపును సొంతం చేసుకుని స్టార్‌ హీరోల సరసన అవకాశాలను రాబట్టుకున్న తమన్నా తమిళంలోని ఈ చిత్రం వల్ల మళ్లీ ఫామ్‌లోకి రావాలి అని అభిమానులు ఆశపడుతున్నారు.
