మెగాస్టార్‌ చిరంజీవి రీ ఎంట్రీతోనే మంచి సక్సెస్‌ను సొంతం చేసుకుని కొడుక్కి భారీ లాభాలు తెచ్చి పెట్టాడు. దాంతో ఇక తదుపరి చిత్రాన్ని ప్రతిష్టాత్మకంగా చేయాలని తెగ ఆరాట పడుతున్నాడు. చిరు గతంలో అనుకున్న స్వాతంత్ర సమయరయోధుడు ‘ఉయ్యాలవాడ నరసింహారెడ్డి’ జీవిత చరిత్రతో తెర మీదకు రావాలనుకున్నాడు. అందుకు సురేందర్‌ రెడ్డిని కథను సిద్దం చేయాల్సిందిగా కోరాడు. సురేందర్‌ రెడ్డి ప్రస్తుతం ఆ దిశగా సన్నాహాలు చేస్తున్నాడు. చిరు కూడా ‘ఉయ్యాలవాడ’లాగా కనిపించడానికి ఇప్పటికే కసరత్తులు మొదలెట్టాడు. ఈ చిత్రానికి రామ్‌ చరణ్‌ నిర్మాతగా వ్యవహరించనున్నాడు.
తాజాగా అందుతున్న సమాచారం ప్రకారం ఈ చిత్ర టైటిల్‌ ‘ఉయ్యాలవాడ’ కాదు అని తెలుస్తోంది. ఈ వార్త షాకింగ్‌గానే ఉంది కానీ ‘ఉయ్యాలవాడ’ను కేవం వర్కింగ్‌ టైటిల్‌గా ఫిక్స్‌ చేశారట. చివరకు మంచి టైటిల్‌ను ఫిక్స్‌ చేయనున్నారని, ప్రస్తుతం అందుకు కూడా సన్నాహాలు జరుగుతున్నాయని ఈ చిత్ర యూనిట్‌ వర్గాల నుండి సమాచారం అందుతోంది. ‘ఉయ్యాలవాడ’ బయోపిక్‌ కాబట్టి ఇదే టైటిల్‌ ఖరారు అయితే బాగుంటుంది అని అభిమానులు భావిస్తున్నారు కానీ యూనిట్‌ మాత్రం మంచి టైటిల్‌ను ఖరారు చేస్తాం అని చెబుతున్నారు. ఈ చిత్రంలో చిరు సరసన నటించడానికి బాలీవుడ్‌ భామలను సంప్రదిస్తున్నారు.
