తన అందచందాలతో, ఒంపుసొంపులతో కుర్రకారుకి మతిపోగోట్టే అందంతో ఆకట్టుకునే శ్రియా సరన్‌ టాలీవుడ్‌ అగ్ర హీరోలందరితో కూడా నటించింది. సీనియర్‌ హీరోయిన్‌ అయినా కూడా ఈ అమ్మడికి ఇప్పటికి కూడా వరుస అవకాశాలు వస్తూనే ఉన్నాయి. హీరోయిన్‌గా ఆఫర్‌లు వస్తుండమే కాకుండా ప్రత్యేక పాటలలో నటించే అవకాశాలు కూడా అందుతున్నాయి. శ్రియా ప్రస్తుతం ‘నక్షత్రం’ చిత్రంలో ప్రత్యేక పాటలో నర్తిస్తోంది. ఈ అమ్మడు ‘గౌతమిపుత్ర శాతకర్ణి’ చిత్రంలో బాలయ్య సరసన వశిష్టి దేవిగా నటించి మెప్పించింది. గ్లామర్‌ ఒలకబోసే హీరోయిన్‌లకు చారిత్రక చిత్రాలలో నటించడం పెద్దగా రాదు కానీ శ్రియా మాత్రం గ్లామర్‌తో పాటు తన నటనతో కూడా చారిత్రక చిత్రంలో నటించి మంచి మార్కులను సొంతం చేసుకుంది.
శ్రియా నటన చూసి ముచ్చటపడ్డ బాలకృష్ణ తన తదుపరి చిత్రంలో కూడా ఈమెనే హీరోయిన్‌గా తీసుకున్నాడు. బాలయ్య, పూరీల కాంభోలో తెరకెక్కనున్న చిత్రంలో శ్రియా హీరోయిన్‌గా నటించడానికి రెడీ అవుతోంది. అయితే బాలయ్య చిత్రంలో అవకాశం వచ్చినా కూడా శ్రియా ప్రస్తుతం చిరుపై తెగ మోజు పడుతున్నట్టు తెలుస్తోంది. ఇప్పటికే చారిత్రక చిత్రంలో నటించి ఆకట్టుకున్న శ్రియా త్వరలో చిరు హీరోగా తెరకెక్కబోయే ‘ఉయ్యాలవాడ నరసింహరెడ్డి’ చిత్రంలో హీరోయిన్‌గా అవకాశం వస్తే బాగుండు అని ఆ దిశగా ప్రయత్నాలు చేస్తోంది. చిత్ర యూనిట్‌కు సమాచారాన్ని కూడా చేరవేసిందట. అంతేకాకుండా చారిత్రక చిత్రాల అనుభవం ఉంది కాబట్టి హీరోయిన్‌గా తనకే అవకాశం రావడం ఖాయం అని శ్రియా సన్నిహితుల దగ్గర చెబుతుందట. కానీ చిరు సరసన హీరోయిన్‌గా నటించడానికి యూనిట్‌ వారు ఐశ్వర్యరాయ్‌, విద్యాబాలన్‌ మొదలగు బాలీవుడ్‌ భామలను సంప్రదిస్తున్నారు. చివరకు చిరు 152వ చిత్రంలో హీరోయిన్‌గా ఎవరు ఫిక్స్‌ అవుతారో చూడాలి.
