కుర్రహీరో రాజ్‌తరుణ్‌ ‘ఉయ్యాలజంపాల’ చిత్రంతో తెలుగు తెరకు పరిచయం అయ్యి పక్కింటి కుర్రాడిలా నటించి మెప్పించాడు. ఆ తర్వాత వరుస చిత్రాలలో నటిస్తున్న రాజ్‌తరుణ్‌కు అడపా దడపా హిట్‌లు పడుతున్నాయి. మొదట్లో వరుస విజయాలు అందింనా కూడా ఆ తర్వాత రాజ్‌తరుణ్‌ పెద్దగా చెప్పుకోదగ్గ ప్రాజెక్ట్‌లు ఏవి లేవు. రాజ్‌తరుణ్‌ ప్రస్తుతం ‘అందగాడు’ చిత్రంలో నటిస్తున్నాడు. ఈ చిత్రం జూన్‌ నెల మొదటి వారంలో ప్రేక్షకుల ముందుకు రానుంది. ఇక తాజాగా ఈ యువ హీరోకి ఓ క్రేజీ ప్రాజెక్ట్‌ దక్కింది అని సమాచారం.
వరుస హిట్‌లతో దూసుకుపోతున్న నిర్మాత దిల్‌ రాజు సినిమాలంటూ ఫ్యామిలి మొత్తం చూసేవిగా ఉంటాయి అనే మార్క్‌ పడిరది. అందుకు తగ్గట్టే దిల్‌రాజు కూడా తన కథలను ఎంపిక చేసుకుంటూ ఉంటాడు. ఇటీవలె దిల్‌రాజ్‌ నిర్మించిన చిత్రానికి జాతీయ అవార్డును దక్కించుకున్నాడు. అంతేకాకుండా మరో చిత్రంతో భారీ కలెక్షన్లను రాబట్టాడు. దాంతో దిల్‌రాజు తదుపరి చిత్రంపై ఆసక్తి నెలకొంది. తాజాగా దిల్‌రాజు యువ హీరో రాజు తరుణ్‌కు ఒక కథను వినిపించాడని, రాజ్‌ తరుణ్‌ అందుకు వెంటనే ఒకే చెప్పినట్టు తెలుస్తోంది. సక్సెస్‌ కోసం ఆశగా ఎదురుచూస్తున్న రాజ్‌తరుణ్‌కు మంచి అవకాశం ఇచ్చి మళ్లీ నెలబెట్టడానికి సాయం చేస్తున్నాడు. ఎందరో హీరోలకు మంచి విజయాలను అందించిన దిల్‌రాజు రాజ్‌తరుణ్‌ను కూడా ఆదుకుంటాడా చూడాలి.
