మెగాపవర్‌స్టార్‌ రామ్‌చరణ్‌ ప్రస్తుతం సుకుమార్‌ దర్శకత్వంలో నటిస్తున్నాడు. పల్లెటూరి నేపథ్యంలో తెరకెక్కనున్న ఈ చిత్ర మొదటి షెడ్యూల్‌ గోదావరి పరివాహక ప్రాంతాలలో పూర్తి చేసుకుని రెండో తాజాగా షెడ్యూల్‌ను హైద్రాబాద్‌లో మొదలెట్టింది. ఇప్పటికే పలు కీలక సన్నివేశాలు ఒక పాట చిత్రీకరణ కూడా పూర్తి అయ్యింది. ఈ చిత్రంలో చరణ్‌ చెవిటి వ్యక్తిగా నటిస్తున్నాడు. చేపలు పట్టే కుర్రాడి పాత్రను పోషిస్తున్న చరణ్‌ ఈ చిత్రంలో రెండు పాత్రలలో నటిస్తున్నాడు అని ఫిల్మ్‌ నగర్‌లో టాక్‌ వినిపిస్తుంది. ఒక పాత్రలో ఊరిలో ఉంటూ చేపలు పట్టుకునే చెవిటి వ్యక్తిగా కనిపిస్తాడు.
మరో పాత్రలో పరిశోధకుడిగా సిటీ నుండి వచ్చి స్టయిలిష్‌గా ఉంటాడు అనేది టాక్‌. అయితే ఈ విషయమై అధికారిక క్లారిటీ మాత్రం లేదు. సుక్కూ మూవీలో చరణ్‌ డబుల్‌ ధమాకా అనగానే మెగా అభిమానులు ఖుషీ అవుతున్నారు. ఇటీవల లీకయిన కొన్ని స్టిల్స్‌లో చరణ్‌ ఊర మాస్‌గా ఉన్నాడు. ఈ లుక్‌ చూసి కొంతమంది ఫీలయ్యారు. సినిమా మొత్తం ఇలాగే ఉంటే ఎలా అని నిరాశ చెందారు. కానీ కాసేపు అలా కనిపించి మిగతా టైంలో స్టయిలిష్‌గా కనబడతాడట. ఈ చిత్రంలో చరణ్‌ సరసన సమంత నటిస్తోంది. అయితే సమంత ఎవరితో ప్రేమలో పడుతుంది అనే అంశమే ఇప్పుడు ఆసక్తిగా మారింది.
