పవర్‌స్టార్‌ పవన్‌కళ్యాణ్‌ గతంలో చాలాసార్లు కూడా తనకు ఆర్థిక ఇబ్బందులు ఉన్నాయని చెప్పుకొచ్చాడు. డబ్బులు లేక తాను సినిమాల్లో నటించి డబ్బులు సంపాదించుకుంటున్నాను అంటూ చమత్కరించాడు. తాజాగా మంత్రి నారాయణ కొడుకు నిషిత్‌ రోడ్డు ప్రమాదంలో మరణించాడు. బెంజ్‌ కారులో ప్రయాణిస్తున్న నిషిత్‌ కారు పవన్‌దే అని సోషల్‌ మీడియాలో తెగ ప్రచారం జరుగుతోంది. దాంతో ఇంజనీరింగ్‌ విద్యార్థి ఒకరు పవన్‌ను ఆ కారు మీదేనా అని అడిగాడు. దాంతో పవన్‌ వెంటనే ఆ విషయంపై క్లారిటీ ఇచ్చాడు. నిషిత్‌ నారాయణ ప్రయాణం చేసిన కారు తనది కాదని చెప్పుకొచ్చాడు.
నెల నెల వాయిదాలు కట్టులేకనే కారు అమ్మామనని, తాను చాలా ముచ్చటపడి ఆ కారును డిజైన్‌ చేయించుకున్నాను కానీ ఆర్థిక కారణాల వల్లనే ఆ కారును అమ్మేశాను అని చెప్పుకొచ్చాడు. ఇన్‌స్టాల్‌ మెంట్‌లు కట్టలేకనే కారు అమ్మాను అని పవన్‌ చెప్పగానే అక్కడ ఉన్న విద్యార్థులు కూడా గొల్లున నవ్వారు. పవర్‌స్టార్‌కు ఆర్థిక కష్టాలు ఏంటి వెటకారం కాకపోతే అన్నట్టుగా అంతా ఓ చూపు చూశారు. చివరకు నిషిత్‌ ప్రయాణించిన కారు మాత్రం పవన్‌ది కాదు అని, పవన్‌కు ఆర్థిక ఇబ్బందులు ఉన్నాయని పవన్‌ వ్యాఖ్యల వల్ల స్పష్టం అయ్యింది.
