ముద్దుగుమ్మ ప్రణీతకు హీరోయిన్‌గా అవకాశాలే కరువయ్యాయి. ఈ అమ్మడికి కెరియర్‌ తొలినాళ్లలో అవకాశాు వచ్చినా కూడా ఆ తర్వాత హీరోయిన్‌గా అవకాశాలు పూర్తిగా తగ్గి సెకండ్‌ హీరోయిన్‌ అవకాశాలు వచ్చాయి. కానీ ఆ తర్వాత అవి కూడా పూర్తిగా తగ్గిపోయాయి. ఇంకా చిన్న పాత్రలు చేయడం ఇష్టం లేక ఈ అమ్మడు వచ్చిన చిన్న అవకాశాలను నో చెబుతోంది. కానీ సనీ పరిశ్రమలో ఉండానే తెగ ఆరాటపడుతోంది. ఇటీవలె రెస్టారెంట్‌ వ్యాపారంలోకి ఎంట్రీ ఇచ్చిన ఈ అమ్మడు పలు ముఖ్య నగరాలకు తన వ్యాపారాన్ని విస్తరింపజేయాలనే ఆలోచన చేస్తోంది. అంతేకాకుండా నిర్మాతగా కూడా సినీ పరిశ్రమలోకి అడుగు పెట్టాలనుకుంటుంది.
హీరోయిన్‌గా తన అందాలు క్లిక్‌ అవడం లేదు అని భావించిన ప్రణీత త్వరలో నిర్మాతగా రాబోతుంది. ప్రస్తుతం ఆ దిశగా సన్నాహాలు చేస్తోంది. స్టార్‌ హీరోల చిత్రాలను నిర్మించే ప్లాన్‌ చేస్తోంది ఈ అమ్మడు. ఎలాగు తనకు మంచి అవకాశాలు రావడం లేదు కాబట్టి డబ్బులు పెట్టి నిర్మాతగా అయినా కొన్నాళ్లు సినీ పరిశ్రమలో ఉండాలి అని భావిస్తోంది. అందుకే పలువురు హీరోలతో ఇప్పటికే ఈ అమ్మడు చర్చలు జరుపుతున్నట్టు తెలుస్తోంది. ఎట్టకేలకు తన అందాలతో క్లిక్‌ అవడం లేదని ఏకంగా డబ్బులు పెట్టి మరీ సినీ రంగంలో నిర్మాతగా వ్యాపారం మొదలెట్టబోతుంది.
