‘మిర్చి’ చిత్రం వరకు యంగ్‌ రెబల్‌స్టార్‌గా కేవలం టాలీవుడ్‌కే పరిమితం అయిన ప్రభాస్‌ ‘బాహుబలి’ చిత్రంతో ప్రపంచ స్థాయిలో గుర్తింపు పొందాడు. ప్రస్తుతం ప్రభాస్‌ క్రేజీ స్టార్‌గా వెలుగొందుతున్నాడు. అలాంటిది ఆయన తదుపరి చిత్రంపై అంచనాలు ఎలా ఉంటాయో ప్రత్యేకంగా చెప్పనక్కర్లేదు. ప్రభాస్‌ తదుపరి చిత్రాన్ని సుజిత్‌ దర్శకత్వంలో నటించనున్నాడు. భారీ బడ్జెట్‌తో రూపొందే ఈ చిత్రం బహుభాషా చిత్రం. దాంతో దర్శకుడు సుజిత్‌ కాస్త టెన్షన్‌ పడుతున్నాడట. ప్రభాస్‌ క్రేజ్‌ ఇప్పుడు మాములుగా లేదు కాబట్టి అంచనాలకు తగ్గట్టు ఈ చిత్రం ఉండకపోతే సుజిత్‌ కెరియర్‌కే ప్రమాదం అంటూ సినీ విశ్లేషకులు హెచ్చరిస్తున్నారు.
దాంతో సుజిత్‌ చాలా భయపడుతున్నాడట. ప్రభాస్‌ చిత్రాన్ని తాను అనుకున్న విధంగా డీల్‌ చేయగలనా..? అది ప్రేక్షకులకు కనెక్ట్‌ అవుతుందా అని రకరకాల ఆలోచనలు చేస్తూ చాలా టెన్షన్‌ ఫీలవుతున్నాడు. ఈ విషయాన్ని గ్రహించిన ప్రభాస్‌ సుజిత్‌కు ధైర్యం చెబుతున్నాడు. టెన్షన్‌ పడకుండా స్వేచ్ఛగా నువ్వు అనుకున్నట్టు చేసేయ్‌ ఆ తర్వాత అంతా మన లక్‌ అంటూ సుజిత్‌కు ధైర్యం నూరిపోశాడు. ప్రభాస్‌ ప్రస్తుతం ఫారెన్‌ టూర్‌లో ఉన్నాడు. తిరిగి రాగానే సుజిత్‌ దర్శకత్వంలో నటించనున్నాడు.
