యంగ్‌రెబల్‌ స్టార్‌గా టాలీవుడ్‌ వరకే పరిచయం ఉన్న ప్రభాస్‌ ‘బాహుబలి’ చిత్రంతో జాతీయ స్థాయిలో గుర్తింపు పొందాడు. ఇతర భాషల్లో కూడా ప్రభాస్‌కు భారీ ఫాలోయింగ్‌ ఏర్పడిరది. దాంతో పలు భాషల్లో ప్రభాస్‌తో స్ట్రయిట్‌ చిత్రాలు చేయడానికి దర్శక నిర్మాతలు పోటీ పడుతున్నారు. ప్రభాస్‌ బాలీవుడ్‌లోకి వెళ్లడానికి సన్నాహాలు జరుగుతున్నాయి అనేది తెలిసిన విషయమే. ప్రభాస్‌ బాలీవుడ్‌లో ఒకేసారి రెండు చిత్రాలతో అడుగు పెట్టబోతున్నాడు. ప్రభాస్‌ కోసం రెండు కథలను కూడా సిద్దం చేసి అన్ని ఏర్పాట్లు చేస్తున్నాడు బాలీవుడ్‌ దర్శకనిర్మాత కరణ్‌ జోహార్‌.
ప్రస్తుతం ప్రభాస్‌ ఫారెన్‌ టూర్‌లో ఉన్నాడు. ఇక్కడకు రాగానే వెంటనే ఈ రెండు ప్రాజెక్ట్‌లతో కరణ్‌ జోహార్‌ ప్రభాస్‌ను సంప్రదించడానికి రెడీ అవుతున్నాడు. ప్రభాస్‌కు తగ్గట్టు భారీ కథలనే సిద్దం చేయిస్తున్నాడట. అంతేకాకుండా స్టార్‌ హీరోయిన్‌లను కూడా ఇప్పటికే బుక్‌ చేసుకున్నాడట కరణ్‌ జోహార్‌. బాహుబలుడికి బాలీవుడ్‌లో రెండు కథలు రెడీ అవుతున్నాయి. తిరిగి వచ్చాక నీ నిర్ణయం ఏంటీ బాసు, రెండు సినిమాలతో ఒకేసారి బాలీవుడ్‌కు జంప్‌ అవుతావా..?? అనేది అభిమానుల సందేహం. అంతా అనుకున్నట్టు సాగితే ప్రభాస్‌ వచ్చే ఏడాది రెండు చిత్రాలతో బాలీవుడ్‌లోకి అడుగు పెడతాడు.
