‘హృదయ కాలేయం’ చిత్రంతో తెలుగు తెర మీదకు వచ్చి తనదైన కామెడీతో కుర్రకారుని ఆకట్టుకున్నాడు. ఆ తర్వాత పలు చిత్రాలలో నవ్వించే ప్రయత్నం చేశాడు. సంపూ ‘కొబ్బరిమట్ట’ చిత్రాన్ని ప్రారంభించి చాలాకాలమే అయ్యింది. ఈ చిత్ర టీజర్ కూడా ఎప్పుడో విడుద చేశారు. పుల్‌ లెంగ్త్‌ డైలాగుతో సదరు టీజర్ ఔరా అనిపించింది. ఎన్నో అంచనాలున్న ‘కొబ్బరిమట్ట’ చిత్రం ఇంకా ప్రేక్షకుల ముందుకు రాలేదు. ఈ చిత్రంలో సంపూ మూడు పాత్రలను పోషిస్తున్నాడు. తాజాగా సంపూర్నేష్‌ బాబు పుట్టిన రోజు సందర్భంగా మీడియాతో మాట్లాడుతూ ‘కొబ్బరిమట్ట’ గురించి ఆసక్తికర విషయాలను వెల్లడిరచారు.
ఈ చిత్రంలో పాపారాయుడి పాత్రలో సంపూ ఏడుగురితో రొమాన్స్‌ చేస్తాడట. ఏడుగురు భామలతో రొమాన్స్‌ చేసే పాపారాయుడికి పన్నెండు మంది పిల్లలుంటారు. అందరికి ఇలా ఇంటి పెద్దగా ఉంటూ సాగిపోయే కామెడీ ఎంటర్టైనరే ‘కొబ్బరిమట్ట’ అని, తన మొదటి చిత్రం కంటే ఈ చిత్రం చాలా బాగుంటుంది అని, ఇందులో ఎక్కువ స్పూపులు లేవు కానీ, నవ్వించే సన్నివేశాలు చాలా ఉన్నాయి అంటూ సంపూ చెప్పుకొచ్చాడు. ఈ చిత్రాన్ని జూన్‌ మొదటి వారంలో ప్రేక్షకుల ముందకు తీసుకురావడానికి సన్నాహాలు చేస్తున్నారు.
