అందంతో పాటు అభినయం ఉన్నా కూడా తెలుగు అమ్మాయనో లేదా ఇంకేదైనా కారణమో కానీ హీరోయిన్‌ అవాలనుకున్నా తెలుగమ్మాయి తేజస్వికి మాత్రం మంచి అవకాశం రావడం లేదు. పలు చిత్రాల్లో హీరోయిన్‌గా ఎంట్రీ ఇచ్చినా కూడా అవి పెద్దగా గుర్తింపు తీసుకురాలేదు. పెద్ద చిత్రాలలో మాత్రం చిన్న పాత్రలే వస్తున్నాయి. తాజాగా ఈ అమ్మడు ‘బాబు బాగా బిజీ’ చిత్రంలో అందాలను విపరీతంగా ఆరబోసి ఆకట్టుకునే ప్రయత్నం చేసింది. కానీ అది కూడా పెద్దగా ఫలితాన్ని ఇవ్వలేదు. క్యూటిని కాదు హాటీని అంటూ పిలిపించుకుంటున్నా కూడా తేజూకు గొప్ప సక్సెస్‌లు ఏమి రావడం లేదు.
శృంగార నేపథ్యంలో తెరకెక్కిన ‘బాబు బాగా బిజీ’ చిత్రంతో తేజూకు ఒరిగిందేం లేదు. దాంతో ఈ అమ్మడు నిరాశగా ఉంది. ఇదే సమయంలో మరో శృంగార కామెడీ చిత్రంలో తేజస్వికి మంచి ఆఫర్‌ వచ్చింది. మరాఠి చిత్రం ‘బాలక్‌ పాలక్‌’ రీమేక్‌లో నటించే అవకాశం వచ్చింది. కుర్ర వయస్సులో పిల్లలలో కలిగే ఆలోచనల్ని సరిచేసే విధంగా ఈ చిత్రం ఉంటుందట. ఈ చిత్రంలో శృంగార నేపథ్యంతో పాటు కామెడ,ీ చివరకు చిరు సందేశం కూడా ఉంటుంది. దాంతో తేజస్వి వెంటనే ఒకే చెప్పింది. ఇలాంటి హాట్‌ చిత్రాలలో బాగా నటించి హాటీగా మంచి పేరు తెచ్చుకోవాలని తేజూ వెంటనే ఒకే చెబుతోంది.
