మెగాపవర్‌స్టార్‌ రామ్‌ చరణ్‌ ప్రస్తుతం సుకుమార్‌ దర్శకత్వంలో నటిస్తున్నాడు. ఈ చిత్రంలో చెర్రీ చేపలు పట్టే కుర్రాడిలా, చెవిటి కుర్రాడిగా నటిస్తున్నాడు. పల్లెటూరి నేపథ్యంలో కొనసాగే ఈ చిత్రంలో చరణ్‌ సరసన సమంత హీరోయిన్‌గా నటిస్తోంది. గోదావరి పరివాహక ప్రాంతాలలో షూటింగ్‌లో పాల్గోన్న సమంత ఎండ తీవ్రత ఎక్కువ కావడంతో కాస్త విరామం తీసుకుంది. ఈ అమ్మడు సరదాగా తన స్నేహితులను కలవడానికి చెన్నై చెక్కేసింది. తాజాగా సమంత ఫొటో ఒకటి సోషల్‌ మీడియాలో తెగ హల్‌చల్‌ చేస్తోంది.
చరణ్‌, సుక్కూల చిత్రంలో సమంత తండ్రిగా రావు రమేష్‌ నటిస్తున్నాడు. ఈ చిత్రంలో తండ్రిలాగే గెటప్‌ వేసి, తండ్రిని ఇమిటేట్‌ చేసే సీన్‌ ఒకటి ఉంటుందట. అందుకే సమంత తండ్రిలాంటి పంచె కట్టుకుని ఫోజ్‌ ఇచ్చింది. ఈ ఫొటోలో సమంత పంచె కట్టుకుని, షర్ట్‌ వేసుకుని తువాలు భుజాన వేసుకుని జేబులో పెన్ను పెట్టుకుని అలా రావు రమేష్‌ పక్కన నిల్చుంది. ఈ ఫొటో ఎలాగో లీకయింది. ప్రస్తుతం సోషల్‌ మీడియాతో తెగ వైరల్‌ అవుతోంది. ఈ ఫొటోలో సమంత చూస్తుంటే ఆహా.. ఇలా చూస్తుంటే రెండు కళ్లు సరిపోవు అన్నట్టుగా ఉంది. సమంత మగరాయుడు గెటప్‌కు అభిమానులు పడిపోతున్నారు.
