తెలుగు, తమిళ, మళయాల, కన్నడ మొదలగు భాషలలో ‘మహాభారతం’ను తెరకెక్కించడానికి సన్నాహాలు జరుగుతున్నాయి. ఈ చిత్రంలో ఆయా భాషల నుండి ప్రముఖ నటీనటులను ఎంపిక చేయాలని చిత్ర యూనిట్‌ సన్నాహాలు చేస్తున్నారు. మళయాల మెగాస్టార్‌ మోహన్‌లాల్‌ ‘మహాభారతం’లో భీముడిగా కనిపించే అవకాశం ఉంది. వెయ్యి కోట్ల బడ్జెట్‌తో తెరకెక్కే ఈ చిత్రంలో నటించాలని చాలామంది సినీ ప్రముఖులు ఆశ పడుతున్నారు. ఈ చిత్రంలో నటించాని బాహుబలుడు ప్రభాస్‌ కూడా మనస్సు పడ్డాడు.
చిత్ర యూనిట్‌ తనను సంప్రదించాలని కానీ ‘మహాభారతం’లో ఏ పాత్ర చేయడానికైనా సిద్దమే అని ప్రభాస్‌ అంటున్నాడు. ఈ చిత్రంలో చిన్న పాత్ర పోషించినా కూడా అది గొప్పనే. కాబట్టి ‘మహాభారతం’లో తాను కూడా భాగం కావాలనుకుంటున్నాడు ప్రభాస్‌. ఈయన అభిమానులు మాత్రం ప్రభాస్‌ అర్జునుడి పాత్రకు బాగా సూట్‌ అవుతాడు. అర్జునుడి పాత్ర పోషిస్తే చాలా బాగుంటుంది అని అంటున్నారు. ‘బాహుబలి’ చిత్రంతో జాతీచ స్థాయిలో నటుడిగా గుర్తింపును సొంతం చేసుకున్న ప్రభాస్‌ ‘మహాభారతం’పై కన్నేశాడు. మరి చిత్ర యూనిట్‌ ప్రభాస్‌ను ఏ పాత్రకు ఎంపిక చేస్తారో చూడాలి.
