మెగాపవర్‌స్టార్‌ రామ్‌చరణ్‌ ప్రస్తుతం సుకుమార్‌ దర్శకత్వంలో నటిస్తున్నాడు. పల్లెటూరి నేపథ్యంలో తెరకెక్కుతున్న ఈ చిత్ర షూటింగ్‌ ప్రస్తుతం గోదావరి జిల్లాల పరిసర ప్రాంతాలలో జరుగుతుంది. ఆ ప్రాంతాలలో మెగా అభిమానులకు కొదువే లేదు. మెగా అభిమానులు గోదావరి ప్రాంతాలలో చాలామందే ఉన్నారు. దాంతో చరణ్‌ షెడ్యూల్‌కు రోజు ఆటంకం కలుగుతుంది. అయినా కూడా అభిమానులు కాబట్టి చెర్రీ వారితో రోజు కొంత సమయం కేటాయించుకుని మాట్లాడుతున్నాడు. ఇక మెగా అభిమానులు అన్నాక అక్కడ కచ్చితంగా పవన్‌ ప్రస్తావన వస్తూనే ఉంటుంది. ఇతర మెగా హీరోలు అందుకు ఫైర్‌ అవతూనే ఉంటారు. తాజాగా చరణ్‌ సెట్స్‌లో పవన్‌ ప్రస్తావన మరోసారి వచ్చింది.
పవన్‌ గురించి అడిగిన అభిమానులతో చెర్రీ… బాబాయ్‌కు మీరందరు అండగా నిలవాలి, అది రాజకీయంగా అయినా మరే రకంగా అయినా కూడా బాబాయ్‌కు మీ సపోర్ట్‌ ఉండాలి అని చెప్పుకొచ్చాడు. సినిమాలతో చాలా బిజీగా ఉన్న పవన్‌ కళ్యాణ్‌ త్వరలో పూర్తి స్థాయి రాజకీయాల్లోకి అడుగుపెడుతున్న విషయం తెల్సిందే. పవన్‌ అంటే విరుచుకు పడే మెగా ఫ్యామిలి ఇప్పుడు పవన్‌పై సానుకూలంగానే స్పందిస్తున్నారు. ఎందుకు త్వరలో పవన్‌ పార్టీలోకి చిరు అండ్‌ ఫ్యామిలి కూడా వస్తారా ఏంటి..?? లేకపోతే పవన్‌ గురించి చెర్రీ ఇంత పాజిటివ్‌గా, పరోక్షంగా మెగా ఫ్యామిలి అందరికి కూడా సపోర్ట్‌గా ఉండాలని ముందుగానే అభిమానులను సిద్దం చేస్తున్నాడు. తాజాగా చరణ్‌ వ్యాఖ్యలు ప్రేక్షకుల్లో గందరగోళంగా మారాయి.
