అందాల ముద్దుగుమ్మ అమలాపాల్‌ విడాకులు తీసుకున్న తర్వాత వరుస చిత్రాలతో చాలా బిజీ అయ్యింది. ఈ అమ్మడి చేతిలో ప్రస్తుతం అరడజనుకుపైగా చిత్రాలు ఉన్నాయి. పెళ్లి అయ్యి, విడాకులు అయ్యాక కూడా అమలాపాల్‌కు అవకాశాల వేగంలో మార్పు రాలేదు. అందాల ఆరబోతకు కూడా ఈ అమ్మడు అసలే నో చెప్పడం లేదు. దాంతో అవకాశాలకు కొదువే లేకుండా పోయింది. తాజాగా ‘భాస్కర్‌ ది రాస్కెల్‌’ చిత్రంలో పాల్గోంటుంది. వరుస చిత్రాలతో బిజీగా ఉన్న ఈ అమ్మడు ఈ చిత్ర షూటింగ్‌ సమయంలో వెనుక నుండి ఒక ఫొటోను తీయించుకుంది.
సాంప్రదాయ బద్దంగా రెడీ అయిన అమలా పాల్‌ వెనుక నుండి ఫొటోను తీయించుకుని సోషల్‌ మీడియాలో షేర్‌ చేసింది. ఈ ఫొటోలో ప్రధాన ఉద్దేశ్యం ఏంటంటే అమలా వెనుక ఉన్న టాటూ. ఈ టాటూను ఎప్పుడో వేయించుకున్నా కూడా తాజాగా కొత్తగా చూపించింది. చీరలో ఈ అమ్మడు వెనుక నుండి టాటూను చూపిస్తూ మిస్టరీని ఇంకా అలాగే కొనసాగిస్తున్న అని పోస్ట్‌ చేసింది. ఇంతకి ఆ టాటూ చరిత్ర ఏంటి అనేది మాత్రం చాలా ఆసక్తికరంగా మారింది. మొత్తానికి టాటూ చూపిస్తూనే అమలా వెనుక నుండి ఊరించేస్తుంది.
