‘కృష్ణగాడి వీరప్రేమగాథ’ చిత్రంతో తెలుగు తెరకు పరిచయం అయ్యి తన అందంతో పాటు అభినయంతో ఆకట్టుకుంది. ఈ చిత్రంతో మంచి గుర్తింపును సొంతం చేసుకున్న మెహ్రీన్‌ కౌర్‌కు వరుస ఆఫర్‌లు అందుతున్నాయి. ఈ అమ్మడు ప్రస్తుతం మాస్ మహారాజ్‌ రవితేజ నటిస్తున్న ‘రాజా ది గ్రేట్‌’ చిత్రంలో నటిస్తూ సాయి ధరమ్‌ తేజ్‌ సరసన ‘జవాన్‌’ చిత్రంలో నటిస్తోంది. ఈ రెండు చిత్రాలలో నటిస్తున్న మెహ్రీన్‌కు మరో ఇద్దరు మెగా హీరోలు కూడా ఆఫర్‌లు ఇచ్చారు. వెంకీ అట్లూరి దర్శకత్వంలో వరుణ్‌ తేజ్‌ నటించనున్న చిత్రంలో మెహ్రీన్‌ను హీరోయిన్‌గా ఎంపిక చేశారు. ఈ చిత్రంతో పాటు అల్లు శిరీష్‌ నటించనున్న ఒక చిత్రంలో మెహ్రీన్‌కు ఆఫర్‌ వచ్చింది.
వరుణ్‌ తేజ్‌, అల్లు శిరీష్‌లతో నటించడానికి రెడీ అయిన మెహ్రీన్‌ను తాజాగా ఈ రెండు చిత్రాల నుండి తప్పించినట్టు సమాచారం అందుతోంది. చిత్ర యూనిట్‌ వారు మాత్రం మెహ్రీన్‌ డేట్స్‌ కుదరక పోవడంతో కొత్త వారిని తీసుకునే ఆలోచనలో ఉన్నాం అని చెబుతున్నారు. కానీ మెహ్రీన్‌ డేట్స్‌ ఇవ్వలేని అంత బిజీగా ఏమి లేదు కానీ ఈ చిత్రాల నుండి ఎందుకు తప్పించారు అనేది మాత్రం బయటకు తెలియడం లేదు. ఇంతకు మెహ్రీన్‌ తప్పుకుందా… తప్పించారా అనేది క్లారిటీ లేదు.
