మిల్కీబ్యూటి తమన్నా డేట్స్‌ కోసం నిర్మాతలు ఎదురు చూసే రోజులు పోయి ఇప్పుడు కాస్త అవకాశాల కోసం తమన్నానే ఎదురు చూడాల్సిన పరిస్థితి ఏర్పడిరది. ఈ అమ్మడికి తెలుగులో ‘ఊపిరి’ చిత్రం తర్వాత మరో కొత్త అవకాశం రాలేదు. ఇన్ని రోజులు ‘బాహుబలి’ కోసం పని చేసిన తమన్నాకు తెలుగులో ఒక్క అవకాశం కూడా రాకపోవడం గమనార్హం. అందంతో పాటు అభినయం, డ్యాన్సులతో రెచ్చిపోయే తమన్నాకు అవకాశాలు ఎందుకు రావడం లేదు అంటూ అభిమానులు కంగారు పడుతున్నారు.
పారితోషికం ఎక్కువయ్యిందని అవకాశాలు రావడం లేదని భావించిన తమన్నా పారితోషికాన్ని కూడా తగ్గించేస్తా అంటోంది. ‘బాహుబలి’ చిత్రంలో అవకాశం రావడంతో ఈ అమ్మడు రెమ్యునరేషన్‌ పెంచేసిందని, అందుకే అవకాశాలు రావడం లేదు అని ఒక టాక్‌ ఉంది. దాంతో పారితోషికాన్ని కొంత మొత్తంలో తగ్గించుకోవడానికి కూడా రెడీనే అవకాశం ఇవ్వండి అంటూ తమన్నా దర్శక నిర్మాతలకు సూచన ఇస్తుంది. పాపం.. చేసేది లేక పారితోషికాన్ని కూడా తగ్గించుకుంటున్న తమన్నాకు ఇప్పుడైనా కొత్త అవకాశాలు వస్తాయా అని అభిమానులు ఆసక్తిగా ఎదురు చూస్తున్నారు.
