నందమూరి బాలకృష్ణ ప్రస్తుతం తన 101వ చిత్రాన్ని డాషింగ్‌ డైరెక్టర్‌ పూరీ జగన్నాథ్‌ దర్శకత్వంలో నటిస్తున్నాడు. చారిత్రాత్మక నేపథ్యంలో తెరకెక్కిన చిత్రంలో నటించి తన వందో చిత్రం ద్వారా మంచి సక్సెస్‌ను సొంతం చేసుకున్న బాలయ్య జోషు మీదుండి పూరీ చిత్రంలో చాలా స్పీడుగా కానిచ్చేస్తున్నాడు. బాలయ్య స్పీడు మీద పెరిగిన ఎండలు కూడా ఏమాత్రం ప్రభావం చూపడం లేదు. మండుటెండను సైతం లెక్కచేయకుండా బాలయ్య షూటింగ్‌లో పాల్గోంటున్నాడు. ఎంత ఎండ అయినా కూడా తన షాట్స్‌ పూర్తి చేసే పనిలో పడ్డాడు.
పెరిగిన ఎండ తీవ్రతను ఏమాత్రం పట్టించుకోకుండా హైద్రాబాద్‌ శివారులోని ఓ అల్యూమినియం కార్మాగారంలో షూటింగ్‌లో పాల్గోంటున్నాడు. సీనియర్‌ హీరో అయిన బాలయ్య ఇంతలా ఎండను సైతం లెక్క చేయకుండా కష్ట పడుతుంటే చిత్ర యూనిట్‌ అంతా కూడా షాకవుతున్నారు. అసు నీ ధైర్యం ఏంటి బాయ్య, ఎండను కూడా లెక్క చేయడం లేదు అని ఆశ్చర్యపోతున్నారు. బాలయ్య తన పని మీద ఎంత శ్రద్ద చూపిస్తాడో అనేది యువ హీరోలు చూసి నేర్చుకోవాలి అని చిత్ర యూనిట్‌ వారు అభిప్రాయపడుతున్నారు. 43 డిగ్రీల ఉష్ణోగ్రతలో షూటింగ్‌లో పాల్గోనడం అంటే అంత మామూలు విషయం కాదు కదా! ఈ చిత్రంలో బాలయ్య సరసన శ్రియా హీరోయిన్‌గా నటిస్తోంది.
