‘కొత్తబంగారు లోకం’ చిత్రంతో తెలుగు ప్రేక్షకులకు బాగా దగ్గరయిన శ్వేతబసుప్రసాద్‌కు ఆ తర్వాత పెద్దగా హిట్‌లు ఏమి పడలేదు. అవకాశాల వేగం తగ్గడంతో ఈ అమ్మడు గతంలో పాడు పనులు చేయడానికి కూడా సిద్దపడిరది. అలాంటి పనులు చేస్తూ రెడ్‌ హ్యాండెడ్‌గా బుక్‌ అయ్యి కేసులో కూడా ఇరుక్కుంది. ఆర్థిక కారణాల వల్లే ఇలా చేశాను అంటూ ఈ అమ్మడు కెమెరా ముందు మొర పెట్టుకుంది. ఆ తర్వాత ఈ అమ్మడికి ఓ హిందీ ధారవాహికలో నటించే అవకాశం వచ్చింది. కీలక పాత్రలో నటించే అవకాశం రాగా శ్వేత ఆ సీరియల్‌లో నటించి తన బండిని కాస్త లాగిస్తు వస్తోంది.
ఇలా ఆర్థిక కారణాలతో, ఒడిదొడుగులతో జీవితాన్ని నెట్టుకొస్తున్న శ్వేతబసుకు తాజాగా ‘మిక్చర్‌పొట్లం’ చిత్రంలో అవకాశం వచ్చింది. ఈ చిత్రంలో హీరోయిన్‌ పాత్ర కాకుండా ఒక కీలక పాత్రలో ఈ అమ్మడు నటిస్తోంది. కొత్త వారు నటిస్తున్న ఈ చిత్రంలో కథ మొత్తం కూడా కీలక పాత్ర పోషిస్తున్న శ్వేత బసు చూట్టే తిరుగుతూ ఉంటుందట. టైటిల్‌ కూడా ఆకట్టుకునే విధంగానే ఉంది. కథ కూడా చాలా బాగుంటుంది అని శ్వేత బసు తన సన్నిహితులతో చెబుతుంది. మళ్లీ ఈ అమ్మడు వెండి తెరపై కనిపించడానికి పనులు మొదలెట్టింది. ఇకపై అయినా సైడ్‌ క్యారెక్టర్‌ అవకాశాలు వస్తాయి అని ఆశ పడుతుంది.
