అందంతో పాటు అభినయంతో ఆకట్టుకుంటూ పక్కింటి అమ్మాయిలా అనిపించే లావణ్య త్రిపాఠి తాజాగా ‘మిస్టర్‌’ చిత్రంతో ప్రేక్షకుల ముందుకు వచ్చింది. ఈ చిత్ర టాక్‌ ఎలా ఉన్నా కూడా లావణ్య అందానికి, నటనకు మంచి మార్కులే పడ్డాయి. ఈ చిత్రంలో కాస్త ఘాటుగానే నటించింది. దాంతో పాజిటివ్‌ టాక్‌ రావడంతో ఈ అమ్మడు వెంటనే స్పందించింది. తాను చేసే చిత్రాలలో నటన ప్రాధాన్యం ఉన్న పాత్రలను ఎంపిక చేసుకునే లావణ్యకు పాత్ర ప్రాధాన్యత అనేది చాలా ముఖ్యమట. అందుకే మొదటి నుండి కూడా అలాంటి పాత్రలనే ఎంపిక చేసుకుంటున్నాను అని చెబుతోంది.
మొదట్లో కాస్త పద్దతిగా కనిపించిన ఈ అమ్మడు అందాలు ఆరబోయనిదే హవా సాగదు అని తెలుసుకుంది. అందుకే వెంటనే అందాల ఆరబోతకు సిద్దమయ్యింది. పాత్ర ప్రాధాన్యత ఉంటే అందాలను ఆరబోయడానికి అస్సలు నిరాకరించను అంటూ ఈ అమ్మడు క్లారిటీ ఇచ్చేసింది. అలాంటి పాత్రలు దొరికితే అన్నీ కూడా విప్పేస్తాను అని ఈ అమ్మడు పరోక్షంగా దర్శకనిర్మాతలకు సూచనలు ఇస్తోంది. మరి ఇది విన్న తర్వాత అయినా లావణ్యకు వరుస అవకాశాలు వస్తాయా అనేది ఆసక్తికరంగా మారింది.
