అందాలతార రాశిఖన్నా తన అందంతో నటనతో పాటు మంచి ప్రవర్తన కలిగి ఉంటుంది. ఈ అమ్మడు చాలా ఓపికగా ఉంటూ నచ్చిన పాత్రలను మాత్రమే ఎంపిక చేసుకుంటూ నెమ్మదిగా తన బండిని లాగిస్తోంది. కేవలం తెలుగులోనే కాకుండా పలు భాషల్లో కూడా ఈ అమ్మడికి వరుస అవకాశాలు అందుతున్నాయి. తెలుగులో రెండు చిత్రాల్లో నటిస్తున్న రాశి మళయాంలో ‘విలన్‌’ చిత్రంలో నటిస్తోంది.
‘విలన్‌’ చిత్రంతో ఇప్పటి వరకు తను చేయని ఒక విభిన్నమైన పాత్రను పోషిస్తుందట. అంతేకాకుండా ఆ చిత్రం కోసం పాటను కూడా పాడేసిందట. గతంలో ‘జోరు’ చిత్రానికి టైటిల్‌ సాంగ్‌ను పాడిన రాశి ‘విలన్‌’ చిత్రానికి ఒక పాటను పాడుతుందట. రాశికి పాటలు పాడడం అంటే చిన్నప్పటి నుండి ఇష్టమట. అంతేకాకుండా స్కూల్‌లో ఉన్నప్పుడు పాటలు పాడుతూ బహుమతులు కూడా పొందేదట. గాయని కావానుకున్నా రాశి అందం ఉండడంతో నటనవైపుకు వచ్చేసిందట. ఈ పాటకు మంచి స్పందన వస్తే కచ్చితంగా ముందు ముందు పాడుతాను అని సన్నిహితులతో చెబుతోంది. మొత్తానికి హీరోయిన్‌గానే కాకుండా సింగర్‌ అయ్యే పనులను కూడా మొదలెడుతోంది.
