సూపర్‌స్టార్‌ మహేష్‌బాబు, మరుగదాస్‌ల చిత్ర షూటింగ్‌ దాదాపు పూర్తి కావొచ్చింది. క్లైమాక్స్‌ మరియు రెండు పాటలు మినహా చిత్రీకరణ పూర్తి కావొచ్చింది. ఈ చిత్రంలో మహేష్‌బాబు ఇంటర్‌పోలీస్‌ ఆఫీసర్‌గా కనిపించనుండగా హీరోయిన్‌ రకుల్‌ ప్రీత్‌ సింగ్‌ మెడికల్‌ విద్యార్థినిగా నటిస్తోంది. ఈ చిత్ర ఫస్ట్‌లుక్‌తో పాటు టైటిల్‌ను తాజాగా రివీల్‌ చేశారు. ఈ ఫస్ట్‌లుక్‌కు ప్రేక్షకుల నుండి సినీ వర్గాల నుండి మంచి స్పందన వస్తోంది. పవర్‌ఫుల్‌ లుక్‌తో కనిపించిన మహేష్‌ లుక్‌ అందరిని ఆకర్షిస్తోంది.
ఈ చిత్ర మోషన్‌ పోస్టర్‌ను అఫిషియల్‌ యూట్యూబ్‌ ఛానెల్‌లో పోస్ట్‌ చేయగా ఇప్పటి వరకే 7.1 లక్షల వ్యూస్‌ రాగా 42వేల లైక్స్‌ వచ్చాయి. తక్కువ సమయంలో ఈ స్థాయిలో వ్యూస్‌ సొంతం చేసుకున్న మోషన్‌ పోస్టర్‌గా ‘స్పైడర్‌’ రెండో స్థానంలో ఉంది. కచ్చితంగా మొదటి స్థానానికి దూసుకెళుతుందని సినీ విశ్లేషకులు అంటున్నారు. కేవలం మోషన్‌ పోస్టర్‌తోనే సైత్‌ ఇండియా రెండో స్థానాన్ని సొంతం చేసుకున్న ‘స్పైడర్‌’ ముందు ముందు ఇంకా ఎన్ని రికార్డుల మోత మోగిస్తుందో చూడాలి. ఈ చిత్రం జూన్‌ 23న ప్రేక్షకుల ముందుకు రానుంది.
