నాచురల్‌ స్టార్‌ నాని ‘నేను లోకల్‌’ చిత్రంతో ప్రేక్షకుల ముందుకు వచ్చి మంచి హిట్‌ను సొంతం చేసుకుని భారీ కలెక్షన్లు రాబట్టాడు. ఈ చిత్రాన్ని త్రినాధరావు నక్కిన తెరకెక్కించాడు. ‘నేను లోకల్‌’ యూత్‌ను ఆకట్టుకోగా ఈ దర్శకుడితో చేయడానికి పలువురు యంగ్‌ హీరోలు ఆసక్తిని కనబర్చుతున్నారు. ఇప్పటికే ‘అల్లుడు శీను’, ‘స్పీడున్నాడు’ చిత్రాలతో ప్రేక్షకుల ముందుకు వచ్చి పర్వాలేదనిపించుకున్న బెల్లంకొండ సాయిశ్రీనివాస్‌ త్వరలో నాని దర్శకుడితో నటించాలని ప్లాన్‌ చేస్తున్నాడు. అందుకే ఇటీవలె త్రినాధరావు నక్కినతో సంప్రదింపులు కూడా జరిపాడు.
కాగా దర్శకుడు సాయిశ్రీనివాస్‌కు సరిపోయే కథను సిద్దం చేస్తున్నట్టు సమాచారం అందుతోంది. ఈయన ప్రస్తుతం బోయపాటి శ్రీను దర్శకత్వంలో ఒక చిత్రంలో నటిస్తున్నాడు. ఆ చిత్రంలో రకుల్‌ ప్రీత్‌ సింగ్‌ హీరోయిన్‌గా నటిస్తోంది. ఈ చిత్రం పూర్తి కాగానే ‘నేను లోకల్‌’ దర్శకుడు త్రినాధ రావు నక్కిన దర్శకత్వంలో నటించడానికి సాయిశ్రీనివాస్‌ ప్లాన్‌ చేస్తున్నాడు. మొత్తానికి హిట్‌ దర్శకులను, హీరోయిన్‌లను ఎంపిక చేసుకోవడంలో సాయిశ్రీనివాస్‌ది ప్రత్యేకమైన స్టయిల్‌ అని చెప్పవచ్చు. తన చిత్రాలలో కచ్చితంగా స్టార్‌ హీరోయిన్‌లను ఉండే విధంగానే చూసుకుంటాడు.
